ម្ចាស់បទចម្រៀង Living for Love បានសម្តែង​នូវ​អារម្មណ៍ខកចិត្តយ៉ាងខ្លាំង ចំពោះ អ្នកជំនួញ​វ័យ ៧០ឆ្នាំ ដែលបានឡើង​ធ្វើជាប្រធានាធិបតី​អាម៉េរិក លោក ដូណាល់ត្រាំ​ និង​ក្លាយជាមនុស្សស្លាប់ពេលទទួលបានដំណឹងនេះ​។​

នៅពេលដែលសួរពីអារម្មណ៍ ពាក់ព័ន្ធនឹងការបោះឆ្នោតនាពេលថ្មីៗនេះ តារាចម្រៀង Madonna បាននិយាយថា នាង​ដូច​ជាមនុស្សម្នាក់បានស្លាប់ ហើយមានអារម្មណ៍ថាខូចចិត្ត ទាំង​ស្រុង នៅពេលដែលសេចក្តីស្រឡាញ់ជាច្រើន បានចាកចេញពីខ្លួន​ ពេលនោះខ្ញុំ​មានអារម្មណ៍ថា​ស្លាប់។​

តារាចម្រៀងរូបនេះ​បានបន្តថា ជា​រៀងរាល់ព្រឹក ពេលដែលក្រោក​ពីគេង ខ្ញុំតែងតែនិយាយថា និងចាំថា លោក ដូណាល់ត្រាំ នៅតែ​ជា​ប្រធានា​ធិបតីអាម៉េរិក ហើយវាក៏មិនមែនសុបិនអាក្រក់សម្រាប់ខ្ញុំដែរ គ្រាន់តែមានអារម្មណ៍ថា មានស្ត្រី​ជាច្រើនបានក្បត់យើង ខណៈដែលស្ត្រី​ភាគច្រើនបានបោះឆ្នោតជូនដល់ ដូណាល់ត្រាំ ។​
តារាចម្រៀង​វ័យ ៥៨ឆ្នាំរូបនេះ បានជឿជាក់ថា ស្ត្រីគឺបោះឆ្នោត​ឲ្យ ដូណាល់ត្រាំ ជា​ធម្មជាតិរបស់ស្ត្រីគឺ មិនគាំទ្រ​ស្ត្រីគ្នាឯងនោះទេ​។
ស្ត្រីគឺស្អប់ស្ត្រីគ្នា​​ឯង នេះគឺជាអ្វីដែលខ្ញុំគិត ហើយ​ចាប់តាំងពី​ លទ្ធផលបោះឆ្នោតចេញមក ធ្វើខ្ញុំដេកមិនសូវលក់ទាល់តែសោះ ដោយមានអារម្មណ៍ថា ភ្ញាក់ផ្អើល និងបំផ្លិចបំផ្លាញ ។ នេះជាសម្តីតារាចម្រៀង ខាងលើ បានប្រាប់ដល់ទស្សនាវដ្តី Billboard ៕

ប្រភព៖ lollipop