នៅទីបំផុតធ្លាយដំណឹង តាមរយៈគេហទំព័រ E! News កាលពីថ្ងៃ អង្គារ៍ បានរាយការណ៍ថា អតីតគូស្វាមីភរិយា Brad Pitt និងអ្នកនាង Angelina Jolie បានសម្របសម្រួលគ្នា ហើយបានធ្វើដំណើរកម្សាន្ដមកកាន់ប្រទេសកម្ពុជា កាលពីខែ កុម្ភៈ ឆ្នាំ ២០១៧ ស្របពេលដែលអ្នកនាង បាននាំកូន ៦នាក់ មកចូលរួមសម្ភោធការចាក់បញ្ចាំងរឿង First They Killed My Father ឬ ដំបូងខ្មែរក្រហមសម្លាប់ ប៉ារបស់ខ្ញុំ នៅលើទឹកដីខេត្ត សៀមរាប ។

ដោយយោងតាមគេហទំព័រ សារព័ត៌មានអង់គ្លេស dailymail នៅមុននេះបន្ដិច នៅថ្ងៃទី ២៩ ខែមីនា ឆ្នាំ ២០១៧ បានឲ្យដឹងថា លោក Brad បានមកប្រទេសកម្ពុជា ជាមួយដំណើររបស់អ្នកនាង Jolie និងកូនៗ ៦ នាក់ដោយសម្ងាត់ ហើយលួចលាក់ចូលរួមសប្បាយរីករាយជាមួយៗ កូនៗរបស់លោក ។

គួរបញ្ជាក់ផងដែរថា សឹងតែ ៧៥ ភាគរយហើយដែលលោកស្រី Angelina បាននៅជាមួយអតីតស្វាមី Brad Pitt ក្នុងទឹកដីប្រទេសកម្ពុជា​៤ លើក ហើយបានហោះហើរត្រឡប់ទៅវិញជាមួយគ្នាផងដែរ ៕