Post News Media ព័ត៌មានសិល្បៈ និងកម្សាន្ត អតីតបេក្ខនារី...

អតីតបេក្ខនារី Next Top Model អាម៉េរិក ត្រូវបានបាញ់ដោយជនមិនស្គាល់មុខ

អតីតបេក្ខនារីប្រលងកម្មវិធី Next Top Model អាម៉េរិក ម្នាក់ត្រូវបានបាញ់នៅក្នុងហេតុការណ៍បាញ់រះ ដោយជនមិនស្គាល់មុខម្នាក់បានបាញ់រះ នៅម្ដុំផ្ទះល្វែងមួយកន្លែង ក្នុងទីក្រុងហូស្តុន នាងមានឈ្មោះថា Brandy Rusher ជានារីម្នាក់ដែលរងរបួសក្នុងចំណោមបាញ់រះបុរស ៤នាក់ ហើយមានបុរស២ បានស្លាប់។ នេះដោយយោងតាមគេហទំព័រ TMZ នៅថ្ងៃទី ២៨ ខែមីនា ឆ្នាំ២០១៧ ។

នារីរងរបួស Brandy Rusher មានអាយុ ៣២ឆ្នាំ ជាបេក្ខនារីប្រលងកម្មវិធី Next Top Model អាម៉េរិក រដូវកាលទី ៤ ដែលស្ថិតនៅក្នុងហេតុការណ៍នេះ ហើយមន្រ្ដីប៉ូលិសបានបញ្ជាក់ថា ” ហេតុការណ៍នេះកើតឡើងនៅយប់ថ្ងៃអាទិត្យ វេលាម៉ោង ៦ និង ៣០ នាទី ល្ងាច មានជនមិនស្គាល់មុខម្នាក់បានទាញកាំភ្លើងស្វ័យប្រវត្តិ បាញ់រះចំពោះបុរស៤នាក់ ភ្លាមៗនេះមានបុរសម្នាក់ ត្រូវគ្រាប់កាំភ្លើងចំនួនពី ១៥ ទៅ ១៨ គ្រាប់ ហើយបុរសម្នាក់ទៀតបានស្លាប់ ខណ:ដែលបញ្ជូនទៅដល់មន្ទីរពេទ្យ ” ៕