ដើម្បីកាតចង្រៃកាត់សយ ពីការប្លន់ម្ដងមកនៅទីក្រុងប៉ារីស តារាបង្ហាញម៉ូដ Kim Kardashian បានកាត់សក់រះថ្មីត្រឹមកញ្ចឹងករដោយមិនស្ដាយស្រណោះសក់ដ៏ទន់ស្រឡូនវែងអន្លាយត្រឹមចង្កោះរបស់នាងឡើយ នេះដោយយោងតាមសារព័ត៌មានរបស់ចក្រភពអង់គ្លេស នៅថ្ងៃទី ៣១ ខែមីនា ឆ្នាំ២០១៧ មុននេះបន្ដិច ។

dailymail បានចេញផ្សាយថា តារាបង្ហាញម៉ូដវ័យ ៣៦ រូបនេះបានបង្ហាញម៉ូដសក់ដ៏ភ្ញាក់ផ្អើល ខណ:ដែលនាងបានចូលរួមពិធីសម្ភោធខ្សែភាពយន្ដ ជាគ្រួសាររបស់នាងនៅទីក្រុង Beverly Hills រដ្ឋ California សហរដ្ឋអាមេរិក កាលពីថ្ងៃព្រហស្បត្តិ៍ម្សិលមិញនេះ ។

ជាការទាមទារចំណាប់អារម្មណ៍ជាមួយមហាជន Kim Kardashian មិនស្ដាយស្រណោះសក់វែងត្រឹមចង្កោះរបស់នាងឡើយ នាងបានផ្លាស់ប្ដូរស្ទាយ៍ថ្មីឲ្យកាន់តែមើលទៅសិចស៊ីជាងមុន ៕