លោក Ed Sheeran ម្ចាស់បទ shape of you បានដោះស្រាយនូវពាក្យបណ្តឹងចំនួន ២០លានដុល្លារ​អាមេរិច ក្រោយពីរងការចោទប្រកាន់ពីបទ រំលោទសិទ្ធិ​អ្នកនិពន្ធ លើបទចម្រៀង។ តារាចម្រៀងលេងស្តាយសក់ពណ៌ទង់ដែង​រូបនេះ ត្រូវបានម្ចាស់ដើមចោទប្រកាន់លើករណី ចម្លងស្ទាយ៍ពីបទ Amazing របស់ Matt Cardle ដែលបានបង្កើតឡើងនៅឆ្នាំ​២០១២។

ទោះបីជាយ៉ាងណា គោលបំណងនៃការដាក់ពាក្យបណ្តឹងកាលពីថ្ងៃច័ន្ទ ដែលបានចុះហត្ថលេខាដោយ ចៅក្រម James Selna នៅរដ្ឋកាលីហ្វ័រញ៉ា ដោយករណីត្រូវបានច្រានចោល បន្ទាប់ពីមានកិច្ចព្រមព្រៀង​រវាង Ed និង​អ្នកសរសេរចម្រៀងខាងលើ។
គ្មានសេចក្តីលម្អិតនៃការព្រមព្រៀងឡើយ។

កាលពីខែមិថុនា ឆ្នាំ​២០១៦ លោកEd Sheeran ត្រូវបានគេដាក់ពាក្យបណ្តឹង​ ទារប្រាក់ចំនួន ២០លានដុល្លារ លើកម្មសិទ្ធិបញ្ញាអ្នកនិពន្ធ ជាមួយបទ​របស់ខ្លួនក្រោមចំណងជើងថា Photograph ដែល​ចេញកាលពីឆ្នាំ​២០១៥។ បទ Photograph របស់Ed Sheeran ត្រូវបានអ្នកនិពន្ធ Leonard និង Harrington បានចោទថា តារាសក់ទង់ដែងខាងលើបានចម្លងកម្មសិទ្ធិបញ្ញពីបទ Amazing ដែលពួកគេបានសរសេរសម្រាប់ម្ចាស់ពាន X Factor លោក​ Matt Cardle។

សារព័ត៌មាន Hollywood Reporter ចុះថា លើករណីនេះបណ្តឹងនេះ ដោយសារតែ​មានភាពស្រដៀងគ្នា រវាងបទទាំងពីរ ដោយស្រដៀងទៅនឹងចង្វាក់ សំឡេង ភ្លេង ជាដើម៕

ទស្សនាបទ Photograph ៖

ទស្សនាបទ​ Amazing៖