ខុសពីម្ដាយភាគច្រើន ដែលរំពឹងកូនស្រីក្រោយកូនស្រីបានចេញទៅរស់សើយសុខជាមួយស្វាមីនៅសហរដ្ឋអាមេរិកអង់គ្លេស ម្ដាយរបស់សារ៉ាយ សក្ខណា បែរជាអះអាងថាមិនពឹងពាក់កម្លាំងកូនស្រីដូចមុនទៀតទេ។ ផ្ទុយទៅទៅវិញអ្នកស្រីបានអះអាងថានឹងប្រឹងរកលុយមិនអោយរំខានកូនស្រី និងមានតែបានពង្រឹងជំហរក្នុងការរួមចំណែកចាត់ចែងការចំណាយក្នុងមុខជំនួញរបស់កូនស្រីនៅស្រុកខ្មែរនោះផង។

អ្នកស្រីសម្ផស្ស ម្ដាយសារ៉ាយ សក្ខណា បើទោះជាកូនស្រីរបស់ខ្លួនមានវាសនាបានប្ដីជាមេធាវីអាមេរិក ហើយមានទ្រព្យសម្បត្តិមិនធម្មតា តែអ្នកស្រីមិនដេកដួលរមួលផ្សំគ្រិចរង់ចាំចាយលុយជាកម្លាំងរបស់កូនស្រីនោះទេ។ អ្នកស្រីថាខ្លួនឈប់រំខានលុយកាក់កូនស្រីយូរហើយ ចាប់តាំងពីកូនស្រីបើកហាងភោជនីយដ្ឋានមួយអោយលក់ស៊ុបនៅពេលរាត្រី។ អ្នកស្រីថាគ្រួសារគ្រប់រូបនឹងមិនមានសុភមង្គលបើម្ដាយ ឬឪពុកគិតតែទាមទារនេះទាមទារនោះ នៅពេលកូនស្រីមានបានក្រោយពេលរៀបការ។ ជាពិសេសគ្រួសារខាងកូនប្រសារប្រាកដជាមានសតិអារម្មណ៍ចំពោះករណីមួយហ្នឹង ទើបអ្នកស្រីប្រកាន់ជំហរដាច់ខាតទោះមាន ឬក្រអត់ត្រូវការលុយកាក់កូនស្រីទេ ដោយសុខចិត្តប្រឹងរកខ្លួនឯងអោយអស់លទ្ធភាព ដើម្បីឈប់អោយសារ៉ាយ សក្ខណា ខ្វល់តែរឿងស្វាមី និងកូន ហើយមិនមានបន្ទុកលើគ្រួសារដូចមុន។ អ្នកស្រីកូនស្រីបើកអោយតែហាងលក់ស៊ុបប៉ុណ្ណោះ ប៉ុន្តែមុននេះអ្នកស្រីបានសម្រេចបន្ថែមសេវាកម្ម តាមរយៈលក់គុយទាវ និងបាយពេលព្រឹកមួយទៀតនៅហាង«សក្ខណា»ដែលស្ថិតនៅជិតហេងហេង២ផ្សារទួលគោក បើទោះជាការបន្ថែមអាជីពនេះ ធ្វើអោយអ្នកស្រីកាន់តែនឿយហត់។ អ្នកស្រីថាខ្លួនបានទៅរៀនចុងភៅ និងទទួលធ្វើម្ហូបដោយខ្លួនផ្ទាល់តែម្ដងដោយមិនពឹងតែរឿងចុងភៅប្រចាំហាងទេ ទើបធ្វើអោយអាជីវកម្មភោជនីយដ្ឋានរបស់ខ្លួនជោគជ័យ។ អ្នកស្រីថាក្រោយដំណើរការលក់គុយទាវ បាយពេលព្រឹក សកម្មភាពរកចំណូលកាន់តែមានសន្ទុះ ប៉ុន្តែក៏សឹងនឹងគ្មានពេលវេលាសម្រាកផងដែរ ចាប់តាំងពីអ្នកស្រីប្រឹងរកលុយលែងស្គាល់សម្រាកទៀងទាត់។ អ្នកស្រីថាបានហាងមួយនេះ ចំណូលក្នុងការផ្គត់ផ្គង់កាន់តែល្អជាងមុន ដោយក្រៅពីអាចរកចំណូលផ្គត់ផ្គង់បានទាំងស្រុងសម្រាប់គ្រួសារ អ្នកស្រីថាការប្រឹងប្រែងរបស់ខ្លួនក៏អាចទប់មួយផ្នែកសម្រាប់ហាងកែសម្ផស្សរបស់សារ៉ាយ សក្ខណា ផងដែរ៕