ផ្ទះ ព័ត៌មានសុខភាព ចេះ៣វិធីនេះ ល...

ចេះ៣វិធីនេះ លែងភ័យបញ្ហាប្រេះបបូរមាត់ទៀតហើយ

0

តើសុភាពនារីទាំងឡាយកំពុងតែជួបបញ្ហា​ប្រេះបបូរមាត់​មែនទេ? តើពេលប្រេះបបូរមាត់​ម្តងៗធ្វើឲ្យ​អ្នក​មានការឈឺចាប់​មែនទេ? ឈប់​បារម្ភទៀត​ទៅ បញ្ហាមួយនេះអាចដោះស្រាយបាន ដោយប្រើវិធីសាមញ្ញៗតែប៉ុណ្ណោះ។

ខាងក្រោមនេះ គឺជាវិធីបែបធម្មជាតិ៣យ៉ាង ដែលអាចជួយដោះស្រាយ​បញ្ហាប្រេះ​បបូរមាត់​យ៉ាងមានប្រសិទ្ធភាព:

១.ស្ករស និងទឹកឃ្មុំ
លាយ ស្ករស មួយស្លាបព្រាបាយ​ជាមួយនឹង ទឹកឃ្មុំ មួយស្លាបព្រាកាហ្វេ​ឲ្យសព្វល្អ។ បន្ទាប់មក​លាបលើ​បបូរមាត់​របស់អ្នក​រយ:ពេល​២នាទី ទើបលាងសម្អាត​ចេញជាមួយ​នឹង​ទឹកធម្មតា។ វិធីសាស្ត្រនេះ អាច​ជួយកម្ចាត់​កោសិកាចាស់​ដែលងាប់​នៅលើ​បបូរមាត់ ហើយបង្កើតកោសិកាថ្មីឡើង​វិញយ៉ាង​ឆាប់រហ័ស។

២.ប្រទាលកន្ទុយក្រពើ និងទឹកឃ្មុំ
ប្រើសាច់ប្រទាលកន្ទុយក្រពើ ចំនួនមួយស្លាបព្រាកាហ្វេ លាយជាមួយនឹង​ទឹកឃ្មុំកន្លះ​ស្លាបព្រាកាហ្វេ។ បន្ទាប់មក អ្នកត្រូវ​យកទៅ​ក្លាសេ​ឲ្យកក ទើបអនុវត្ត​នៅលើបបូរមាត់​មុនពេលចូលគេង ហើយមិនចាំបាច់​លាងសម្អាត​ចេញឡើយ។

៣.ប្រេងដូង
អ្នកត្រូវយកប្រេងដូងទៅក្លាសេឲ្យក្លាយ​ជាទឹកកកប៉ុនៗមេដៃ រួចយកមកម៉ាស្សា​លើបបូរមាត់​នៅពេលព្រឹក​ព្រលឹម និងមុនពេល​ចូល​គេង។ វីធីមួយនេះ​អាចជួយព្យាបាល​បញ្ហាប្រេះ​បបូរមាត់​ឲ្យឆាប់ជា ហើយជួយរក្សា​សំណើម​បបូរមាត់​បានពេញមួយថ្ងៃ​ថែម​ទៀត។

វិធីទាំង៣យ៉ាងនៅខាងលើនេះ អ្នកអាចប្រើប្រាស់មួយណា​ក៏បានដែរ​ប្រសិនបើគិតថា ងាយស្រួល​សម្រាប់អ្នក ព្រោះវា​មាន​ប្រសិទ្ធភាព​ដូចគ្នា៕

Loading...