នៅទីបំផុត ភាពយន្តខ្នាតធំរឿង”អាស្ទើរទឹកប៉ះខ្មោចបែកស្លុយ” ដែលសម្ដែងដោយនាយចឺម និងលោក ឈុន សុវណ្ណភក្តី ដែលបានប្រកាសយកគ្នាជាបងប្អូនស្លាប់រស់នោះ បានចេញរូបរាងហើយ បន្ទាប់ពីឈុតផ្សព្វផ្សាយមួយខ្លីទើបនឹងបានចេញបង្ហោះ។ ភាពយន្តនឹងគ្រោងដាក់បញ្ចាំងឆាប់ៗ ដោយក្រៅពីមានតូសម្ដែងដែលមានកេរ្តិ៍ឈ្មោះបោះសំឡេងរួមសម្ដែង ក៍មានផលិតករល្បីឈ្មោះ ក្នុងរឿង២ ចូលរួមសម្ដែង និងជួយដឹកនាំផងដែរ។
លោក ឈុន សុវណ្ណភក្តី អ្នកចាត់ការទូទៅប្រចាំផលិតកម្ម BKS និយាយថា ដោយសារតែរឿងនេះហើយ ទើបធ្វើឲ្យលោក និងនាយចឺម សម្រេចយកគ្នាជាបងប្អូន ដោយលោកបានចាត់ទុកថារឿង”អាស្ទើរទឹកប៉ះខ្មោចបែកស្លុយ” គឺជាអនុស្សាវរីយ៍សំខាន់មួយរវាងលោក និងនាយចឺមនោះផង។ លោកថារឿងនេះ លោក និងនាយចឺមសម្ដែងប្លែក ហើយលោកក៍មានរំពឹងខ្ពស់ដែរ ក្នុងពេលដែល Trailer រឿងគ្រាន់តែបានចេញភ្លាម មានការចាប់អារម្មណ៍ភ្លាម។ លោកនឹង ប្រកាសថ្ងៃបញ្ចាំងក្នុងពេលឆាប់ៗ ដើម្បីឆ្លើយតបនឹងការទទឹងចាំពីសំណាក់អ្នកគាំទ្រ។ ភាពយន្តខ្នាតធំនេះលោកថា ចូលរួមសម្ដែងដោយ លោក ឈុន សុវណ្ណភក្តី ចាងហ្វាងផលិតកម្មKBS លោក រ៉ូណាន់ ចាន់ណា អ្នកដឹកនាំរឿងកំណត់ហេតុនាងនាថ លោក Jimmy Henderson អ្នកដឹកនាំរឿង Jailbreak នាយ ចឺម នាងខ្ញុង នាយ គ្រឿន នាយក្រូច និងតារាសម្ដែងប្រុសស្រីជាច្រើនរូបទៀត ។
តោះTrailer រឿង “អាស្ទើរភ្លើងប៉ះខ្មោចបែកស្លុយ” មានចំណុចទាក់ទាញដូចអ្វីដែលផលិតកររំពឹងយ៉ាងណា៖
មតិយោបល់