នៅប៉ុន្មានម៉ោងមុននេះ តារាចម្រៀងនិងជាតារាកំប្លែងផងអ្នកនាង ខាត់ ស្រីវង ជាប្អូនស្រីរបស់អ្នកនាង ខាត់ សុឃីម បានបង្ហោះឲ្យដឹងពីការសម្រាលបានកូនស្រីម្នាក់ប្រកបដោយសុវត្ថិភាពនៅលើទឹកដីសហរដ្ឋអាមេរិក។ អ្នកនាង ខាត់ សុឃីម បានបង្ហាញអារម្មណ៍រីករាយយ៉ាងខ្លាំង ដោយសារតែប្អូនស្រីរបស់នាងដែលជាអ្នកសិល្ប:ម្នាក់ដែរ និងបានចេញទៅរស់នៅតែម្នាក់ឯងជាមួយស្វាមីនៅលើប្រទេសគេនោះទទួលបានកូនស្រីទុកជាចំណងដៃ។

យ៉ាងណាមិញ អ្នកនាងក៏មានអារម្មណ៍អាណិតប្អូនស្រីផង ដែលត្រូវប្រសូត្រកូនដោយគ្មានបងប្អូននៅក្បែរ ហើយបានត្រឹមតែជូនពរពីចម្ងាយនៅលើបណ្ដាញហ្វេសប៊ុក។

អ្នកនាងថារំភើបចិត្តដែលប្អូនស្រីរឹងមាំក្នុងពេលគ្មានឪពុកម្ដាយនិងបងៗនៅថែ ប៉ុន្តែអ្នកនាងក៏មានអារម្មណ៍កក់ក្ដៅផងដែរ ដែលអ្នកនាង ខាត់ ស្រីវង មានស្វាមីល្អ បើទោះជាលោកជាបុរសពោះម៉ាយ ហើយមានវ័យបងនាងច្រើនបន្តិច។

អ្នកនាងថា ខាត់ ស្រីវង និងកូនស្រីមានសុខភាពល្អ ហើយដោយសារតែនាងប្រសូត្រកូនដោយការវះកាត់ទើបសុខភាពរបស់នាងមិនមានអ្វីជាបញ្ហាចោទនោះ ដោយនឹងត្រូវឲ្យចេញពីមន្ទីរពេទ្យក្នុងពេលឆាប់ៗ៕