ព័ត៌មានសិល្បៈ និងកម្សាន្ត

ខៀវ សានសាណា និយាយពីវត្តមានស្ពីតផេ នៅកម្ពុជា!

បើទោះជាមានក្រុមហ៊ុនវេលុយជាច្រើនមកហើយដំណើរការនៅកម្ពុជា ក៏ពិធិការិនីល្បីល្បាញលំដាប់ប្រទេសអ្នកនាង ខៀវ សានសាណា នៅអះអាងថាវត្តមានមកថ្មីរបស់ក្រុមហ៊ុនស្ពីតផេ (Speed Pay PLC) ដែលជាក្រុមហ៊ុនប្រតិបត្តិការវេរលុយមួយដ៏ធំទើបនឹងបើកដំណើរការ គឺជារឿងសំខាន់។ អ្នកនាងថាក្រុមហ៊ុនមួយនេះ នឹងកាន់តែជួយពន្លឿនការប្រកួតប្រជែងពីសំណាក់ក្រុមហ៊ុនវេរលុយទាំងឡាយឲ្យបំពេញសេវាកម្មរបស់ខ្លួនកាន់តែប្រសើរ។

អ្នកនាង ខៀវ សានសាណា និយាយថា កម្ពុជាមិនអាចគិតថាក្រុមហ៊ុនមកក្រោយ ហើយបម្រើសេវាកម្មដូចគេមិនទទួលបាននូវការចាប់អារម្មណ៍នោះទេ ដោយសារតែភាពជាក់ស្ដែងរបស់ដែលមកថ្មី គឺនឹងក្លាយជាកម្មវត្ថុដែលមានការចាប់អារម្មណ៍ជាងគេនោះផង ជាពិសេសបើមានសេវាកម្មកាន់តែប្រសើរគឺកាន់តែមានឥទ្ធិពលក្នុងការប្រកួតប្រជែង។

នាងបង្ហាញពីការជឿទុកចិត្តលើវត្តមានរបស់ក្រុមហ៊ុនស្ពីតផេ ដោយសារតែក្រុមហ៊ុនមួយនេះគ្រាន់តែបើកដំណើរការភ្លាមគឺមានទម្រង់ជាក្រុមហ៊ុនធំតែម្ដង ក្រោយពេលនាងបានរួមនូវការងារជាមួយ។ នាងថានេះក្រុមហ៊ុនដែលនាងមើលឃើញពីកម្រិតប្រកួតប្រជែងក្នុងពេលដែលនាងយល់ថា បើមានក្រុមហ៊ុនវេរលុយធំៗលេចឡើងនៅកម្ពុជាកាន់តែច្រើននោះការប្រកួតប្រជែងលើសេវាកម្ម និងតម្លៃ នឹងមានលក្ខណ:កាន់តែប្រសើរចំពោះអតិថិជន។

អ្នកនាងថាក្រុមហ៊ុនស្ពីតផេ ដ្បិតថាទើបបង្ហាញខ្លួន តែនាងយល់ថានឹងក្លាយជាក្រុមហ៊ុនធំមួយ ដោយសារតែក្រុមហ៊ុននេះក្រៅពីមានដើមទុនច្រើន ក៏មានទស្សន:វិស័យប្រកួតប្រជែងទីផ្សារខ្ពស់។ គ្រាន់តែក្រុមហ៊ុនបានបង្ហើបឲ្យនាងបានដឹងក្នុងថ្ងៃបើកសម្ពោធ គឺនឹងមានភ្នាក់ងារនៅទូទាំងប្រទេសក្នុងពេលដ៏ខ្លី ដើម្បីបង្កើនលក្ខណ:ងាយស្រួលសម្រាប់អ្នកចង់ទទួលសេវាកម្មវេលុយ និងបង់ប្រាក់តាមភ្នាក់ងារស្ពីតផេ។

យោងតាមការបង្ហើបក្រុមហ៊ុនស្ពីតផេ ក្រៅមានសេវាកម្មវេរប្រាក់ ក៏មានសេវាកម្មបង់ប្រាក់ធនាគារ ទូរទាត់វិក័យប័ត្រផ្សេង និងមានសេវាកម្មវេរប្រាក់បង់ជូនសកលវិទ្យាល័យផងដែរ ដើម្បីបញ្ចៀសបញ្ហារឿងសិស្សកុហកឪពុកម្ដាយថាយកលុយមកបង់មហាវិទ្យាល័យ តែបែរជាយកទៅចាយ។ ក្នុងនោះក្រុមហ៊ុនក៏បានជ្រើសយកតារាចម្រៀង សុវត្តិឌី ធារិកា ឲ្យធ្វើជាតំណាង មានគម្រោងលើកប៉ាណូ និងផ្សព្វផ្សាយពីស្ពីតផេយ៉ាងទូលំទូលាយផងដែរ ដើម្បីប្រកួតប្រជែងទីផ្សារនៅទូទាំងប្រទេស៕

មតិយោបល់