គ្រាន់តែលោក ហេង ឡុង គូស្នេហ៍របស់អ្នកនាងចន ច័ន្ទលក្ខិណា បញ្ចេញយោបល់ត្រឹមតែមួយម៉ាត់សោះ លោកសុវណ្ណ មករា ផ្ទុះកំហឹងដាក់ថ្នាក់មាក់ងាយយ៉ាងកប់ៗមាត់តបតនៅលើហ្វេសប៊ុក។ នេះជាការផ្ទុះសម្ដីដ៏កម្រឃើញ ដែលលោកសុវណ្ណ មករា សម្ដែងការវាយប្រហារជាសាធារណៈ ដោយគ្រាន់តែមានការបញ្ចេញទស្សនៈតូចមួយដែលមនុស្សភាគច្រើនយល់ថាជារឿងត្រឹមត្រូវសោះ ក្នុងពេលអ្នកនាង ឈិន សុធារី ពិតជាមិនបានអញ្ជើញស្វាមីឲ្យចូលរួមក្នុងថ្ងៃបើកហាងកាលពីយប់ថ្ងៃទី១១ សីហា នោះមែន។
![](https://i0.wp.com/cdn.pnm.news/2017/08/photo_2017-08-11_22-59-47.jpg?resize=640%2C640&ssl=1)
![](https://i0.wp.com/cdn.pnm.news/2017/08/photo_2017-08-11_22-59-48.jpg?resize=640%2C640&ssl=1)
គេមិនដឹងថារវាងលោក ហេង ឡុង និងលោក សុវណ្ណ មករា មានរឿងអ្វីនៅពីក្រោយខ្នងនោះទេ តែម្នាក់ៗមានការភ្ញាក់ផ្អើលនៅពេលដែលលោក សុវណ្ណ មករា ស្រាប់តែបង្ហោះដោយសំណេរធ្ងន់ដោយគ្រាន់តែលោក ហេង ឡុង សរសេរថា «ហេតុអ្វីមិនអញ្ជើញប្ដីផង?» អមនឹងអត្ថបទមួយដែលបានសរសេរថា «ផ្ទះកូនភ្លោះ (ភោជនីយដ្ឋានរបស់ឈិន សុធារី) បើកសម្ពោធមិនមានវត្តមានឪពុក (សុវណ្ណ មករា)»។ លោកបានសរសេរតបនឹងសំណេររបស់លោក ហេង ឡុងថា «អញ្ជើញមិនអញ្ជើញវាទើស ហេង ឡុង ឯងណាស់ទៅឬ? ហេង ឡុង ឯងជាមនុស្សប្រុស ឬជាមនុស្សខ្ទើយ? បានចេះតែចូលមករុកគួន ក្នុងរឿងគ្រួសារខ្ញុំម្ល៉េះ? ម្តងជា២ដងហើយ ហេង ឡុង ឯង គួរតែយកពេលទៅគិតរឿងប្រាក់មូលនិធិសិល្បករអស់សមត្ថភាពនោះវិញ ឥឡូវលឺល្ហៀងៗថា ប្រាក់ទាំងនោះបានបាត់អស់ទៅហើយ….»។
![](https://i0.wp.com/cdn.pnm.news/2017/08/photo_2017-08-11_23-03-42.jpg?resize=640%2C1138&ssl=1)
![](https://i0.wp.com/cdn.pnm.news/2017/08/photo_2017-08-12_07-10-11.jpg?resize=640%2C1138&ssl=1)
យ៉ាងណាក៏ដោយ ឆ្លើយតបនឹងការបង្ហោះនេះ លោកសុវណ្ណ មករា បានប្រាប់ Post News ថា លោកគ្មានជម្លោះអ្វីជាមួយម្ចាស់ស្នេហ៍របស់អ្នកនាង ចន ច័ន្ទលក្ខិណា នោះទេ គឺគ្រាន់តែចង់ឆ្លើយតបនឹងសំណេររបស់លោក ហេង ឡុង ដែលលោកចោទថាទំនេរ ហើយបានសរសេរប៉ះពាល់ដល់ខ្លួនប៉ុណ្ណោះ។ ខុសពីការយល់ឃើញរបស់លោក សុវណ្ណ មករា មហាជនភាគច្រើននៅយល់ថា សំណេររបស់លោក ហេង ឡុង គឺជាសំណេរដែលមានខ្លឹមសារធម្មតា ដែលមិនគួរថាត្រូវប្រតិកម្មពីសំណាក់ស្វាមីអ្នកនាង ឈិន សុធារី ដល់ថ្នាក់ហ្នឹងទេ។
![](https://i0.wp.com/cdn.pnm.news/2017/08/photo_2017-08-11_22-59-50.jpg?resize=640%2C853&ssl=1)
![](https://i0.wp.com/cdn.pnm.news/2017/08/photo_2017-08-11_22-59-51.jpg?resize=640%2C427&ssl=1)
មកទល់ពេលនេះ គេមិនឃើញលោកហេង ឡុង សម្ដែងប្រតិកម្មណាមួយនោះទេ ប៉ុន្តែអ្នកចូលបញ្ចេញមតិជាច្រើនបានទទូចកុំឲ្យលោកផ្ទុះកំហឹង ដាក់លោក ហេង ឡុង ដោយអះអាងថាគឺសុទ្ធតែជាគ្នាឯង។ លោកសុវណ្ណ មករា បានបន្ថែមថា លោកប្រតិកម្មចំពោះសម្ដីរបស់អ្នកនាង ឈិន សុធារី ដែលសារព័ត៌មាននោះស្រង់ថា បើទោះជាអស់តារាមួយស្រុកខ្មែរក៏មិនអញ្ជើញលោកជាភ្ញៀវក្នុងពិធីសម្ពោធហាង។
![](https://i0.wp.com/cdn.pnm.news/2017/08/photo_2017-08-11_22-59-52.jpg?resize=640%2C1138&ssl=1)
![](https://i0.wp.com/cdn.pnm.news/2017/08/photo_2017-08-11_22-59-53-2.jpg?resize=640%2C640&ssl=1)
លោកថាមុនពេលសម្ពោធហាង អ្នកនាង ឈិន សុធារី បានផ្ញើសារឲ្យលោកមកចូលរួមជាភ្ញៀវដើម្បីបំពេញមុខឲ្យកូន តែមកពីលោកមានភារៈកិច្ចមិនបានទៅ ទើបអវត្តមាន ដោយលោកបញ្ជាក់ថាលោកចង់ទៅចូលរួមណាស់តែបណ្ដាលមកពីជាប់ធុរៈ។
![](https://i0.wp.com/cdn.pnm.news/2017/08/photo_2017-08-11_22-59-53.jpg?resize=640%2C1138&ssl=1)
![](https://i0.wp.com/cdn.pnm.news/2017/08/photo_2017-08-11_22-59-54.jpg?resize=640%2C640&ssl=1)
លោកបានទាំងអះអាងថាមិនជឿថាអ្នកនាងឈិន សុធារី បាននិយាយដូចអ្វីដែលបានចុះផ្សាយនោះទេ ដោយសារតែលោកយល់ថាឃ្លាមួយម៉ាត់ដែលសារព័ត៌មាននោះបានដាក់នោះ គឺជាមើលងាយយ៉ាងធ្ងន់ធ្ងរចំពោះលោក៕
![](https://i0.wp.com/cdn.pnm.news/2017/08/photo_2017-08-11_22-59-55.jpg?resize=640%2C640&ssl=1)
![](https://i0.wp.com/cdn.pnm.news/2017/08/photo_2017-08-11_22-59-56-2.jpg?resize=640%2C480&ssl=1)
![](https://i0.wp.com/cdn.pnm.news/2017/08/photo_2017-08-11_22-59-56-3.jpg?resize=640%2C853&ssl=1)
![](https://i0.wp.com/cdn.pnm.news/2017/08/photo_2017-08-11_22-59-57-2.jpg?resize=640%2C1138&ssl=1)
![](https://i0.wp.com/cdn.pnm.news/2017/08/photo_2017-08-11_22-59-57.jpg?resize=640%2C368&ssl=1)
មតិយោបល់