នៅប៉ុន្មាននាទីមុននេះ លោក ម៉ៃ សុគន្ធ ដែលទើបប្រកាសនឹងឈប់រិះគន់តារាសិល្ប:ដូចគ្នា ស្រាប់តែបង្ហោះសារយ៉ាងវែងអន្លាយ ជុំវិញរឿងរ៉ាវដែលបានកើតឡើងលើអ្នកនាង ចន ច័ន្ទលក្ខិណា។ យ៉ាងណាមិញ លោកមិនចាត់ទុកថា ការបង្ហោះរបស់ខ្លួនគឺជាការរិះគន់នោះទេ ដោយលោកនិយាយថា អ្វីដែលបានលើកឡើង គឺគ្រាន់តែដើម្បីស្ថាបនា ក្នុងនាមជាតារាមួយរូប ដែលមិនចង់ឲ្យប្រធានសមាគមមួយរូបរងការរិះគន់ប៉ុណ្ណោះ។

លោកបានសរសេរថា «ក្នុងនាមខ្ញុំជាសិល្ប:ករមួយរូប និងជាទស្សនិជនតែងតែគាំទ្រ និងស្រឡាញ់សមាគមសិល្ប:ករខ្មែរ ដែលមានឆន្ទះប្រមូលសិល្ប: មករួបរួមគ្នាស្រឡាញ់គ្នា ជួយគ្នាទៅវិញទៅមកដូចជាបងប្អូន ខ្ញុំកត់សម្គាល់ឃើញថាអ្នកស្រី ចន ចន្ទលក្ខិណា ក្រោយបានឡើងតំណែងជាប្រធានសមាគមសិល្ប:ខ្មែរ ហាក់ដូចជាសំបូររឿងអាស្រូវហួសពីការស្មាន ម្តងរឿងគ្រួសារ ម្តងរឿងប្រើកំហឹងទប់ទល់និងកំហល់ ដែលខុសឆ្ងាយអំពីប្រធានជំនាន់មុនៗ ជាក់ស្តែងក្រៅពីប្រកាសប្តឹងអ្នកនេះ ប្តឹងអ្នកនោះ ក្រៅពីជេរទៅកាន់អ្ននរិះគន់ អ្នកនាងហាក់ដូចជាមិនញញើតទៅនឹងការរិះគន់ 😂😂តើគួរដែរទេជាប្រធានសមាគមសិល្ប:មួយរូប សំបូរទៅដោយរឿងអាស្រូវ ក្នុងបណ្តាញសង្គមហើយក្នុងពេលនេះ អ្នកនាងហាក់ដូចជាមិនចង់បញ្ចប់បញ្ហានោះឲ្យស្ងប់ស្តាត់ដោយសន្តិវិធី ដើម្បីផ្តល់តំលៃដល់អ្នកសិល្ប:ទូទៅ ហើយរឿងអស់ពីប្តីចេញប្រពន្ធ អស់ពីប្រពន្ធចេញប្តី ចឹងសុំសួរថាតំលៃអ្នកសិល្ប: ក្រោមកណ្តាប់ដៃគាត់តើទៅជាយ៉ាងណា បើអ្នកនាងនិងស្វាមីចេះតែបង្កនូវពត៌មានផ្សេងតបដោយកំហឹង ម្តងជាពីរមិនទទួលការរិះគន់ ដើម្បីស្ថាបនា 😬😬សួរថា អ្នកសិល្ប:នៅក្រោមស្លាកសមាគមសិល្ប:ខ្មែរ មានកិត្តិយស មានតំលៃ មានការគោរពទេ បើប្រធានយើងធ្វើឥរិយាបទបែបហ្នឹង (ប្រើសុទ្ធតែសំដី ឆ្កែឆ្មារ ហ្អែង អញ កំសាក ក្លាហាន លើបណ្តាញសង្គមទោះជាខឹង ច្រឡោតក៏ដោយក្នុងនាមយើងជាប្រធាន ជាឪពុកម្តាយ ក៏គួរយល់ថា ខ្លួនឯងជាប្រធាន មិនគួរណានឹងធ្វើនូវគំរូអាក្រក់ អវិជ្ជមានដល់សិល្ប:ប្អូនៗជំនាន់ក្រោយទេ ព្រោះថាប្អូនជំនាន់ក្រោយច្រើនរយច្រើនពាន់នាក់ណាស់ ដែលសង្ឃឹមទៅលើប្រធានសមាគម តែបើប្រធានស្អុយ ជាបុគ្គលដែលមហាជនជេរប្រមាថគ្រប់ទិសទី សួរថាសមាគមគួរតែបន្តទង្វើបែបនេះទៀតទេ😭 ខ្ញុំមិនកាន់ជើងខាងភាគីគូជម្លោះណាមួយទេ តែបើគាត់មិនទៅរុកគួនគេ😱ដុតភ្លើងដែលរលត់ទៅហើយ 🔥🔥ឆ្កឹះដំបៅគេមុន តើសួរថាជាប្រធានសមាគមមួយរូបមិនគិតធ្វើការរិះរកវិធីស្តារមុខមាត់សិល្ប: ចេះតែឆ្កឹះដំបៅអ្នកនេះអ្នកនោះ ដល់ពេលគេតបតតាំងយកភាពជេរប្រមាថមកដោះស្រាយ ដោយមិនគិតរកវិធីត្រជាក់មកដោះស្រាយ ហើយមិនគិតមុខមាត់ខ្លួនជាប្រធានសមាគម ជាបុគ្គលសាធារណ: ទូទៅប្រទេសទទួលស្គាល់ ហើយចុងក្រោយក្នុងនាមជាប្រធានបើមានបញ្ហាជំលោះរិះគន់ យើងគួរណាធ្វើការបកស្រាយដោយសន្តិវិធី យើងមិនមែនទៅជេរប្រមាថតបតដោយសំដីអសុរស ទៅកាន់គូជំលោះ បន្តាក់គ្នាដូចខ្យងក្តក់ចឹងទេ តើសិល្ប:គ្រប់រូបគួរបន្តទេ បើគេមើលងាយប្រធានរបស់យើង ដោយទង្វើអវិជ្ជមានបែបនេះ (គួរតែឲ្យតំលៃខ្លួនឯង ក៏ដូចជាសិល្ប:ជំនាន់ក្រោយ ដែលរំពឹងនិងសង្ឃឹមលើខ្លួនអ្នកផង ) គួររឺមិនគួរ សូមអ្នកនាង និងស្វាមីយកមកពិចារណដោយគតិយុត្តិកុំប្រើកំហឹង និងក៏សូមឲ្យមហាជនពិចារណាផង ដោយក្តីអនុគ្រោះ”។

ពាក់ព័ន្ធនឹងបញ្ហានេះ គេមិនទាន់ឃើញសាមីខ្លួនប្រើបណ្ដាញហ្វេសប៑ុកធ្វើការតបតនោះទេ ប៉ុន្តែគេឃើញតារាមួយចំនួនចេញមុខការពារអ្នកនាង ចន ច័ន្ទលក្ខិណា៕