ធៀបនឹងអំឡុងពេលមុនគេចាប់អារម្មណ៍ថាអ្នកនាង ឡាយ លក្ខិណា ដាក់ខ្លួនគួរឲ្យភ្ញាក់ផ្អើលតែម្ដង ដោយអ្នកនាងបានប្ដូរពីឥរិយាបទតួឯកដែលធ្លាប់មានកាលពីអតីតកាលមកជាទន់ភ្លន់ និងរួសរាយរាក់ទាក់នោះផង។

តារាសិល្បៈភាគច្រើនដែលបានស្គាល់នាងកាលពីនៅល្បីខ្ទរខ្ទារសុទ្ធតែអះអាងថាអ្នកនាងដាក់ខ្លួន ហើយអ្វីដែលគេបានឮគួរឲ្យកត់សម្គាល់នោះទៅទៀតគឺ អ្នកនាងអត់មានបង្អែកហ៊ឺហា ឡូយឆាយដូចអំឡុងពេលមុននោះទេ ទើបសម្រេចត្រឡប់ចូលសិល្បៈ។

តារាសិល្បៈជាច្រើនដែលបានជួបអ្នកនាង ឡាយ លក្ខិណា ជាថ្មីក្រោយត្រឡប់ចូលសិល្បៈសុទ្ធតែអះអាងថាអ្នកនាងប្រែប្រួលមិនដូចពីមុន។

ម្នាក់ដែលធ្លាប់រួមដំណើរជាមួយអ្នកនាងកាលពីពេលអ្នកនាងនៅឈរលំដាប់ជួរមុខបានអះអាងថា កាលពីមុនអ្នកនាងជិះឡានទំនើបតម្លៃខ្ទង់សែនដុល្លារទៅកាន់កន្លែងថត ដោយពេលខ្លះអ្នកនាងក៏ត្រូវគេឃើញធ្វើដំណើរដោយឧត្ថម្ភាគចក្រយ៉ាងកាលីពផងដែរ។ អ្វីដែលគេបានឮចេញពីមាត់តារាៗភាគច្រើន គឺអ្នកនាងកាលពីមុនមិនចូលចិត្តញញឹម និងនិយាយរកតារាណាម្នាក់មុននោះទេ ដោយមានអ្នកខ្លះបានទាំងនោះនិយាយថាអ្នកនាងដើរសឹងតែបុកតារាដូចគ្នាហើយ មិនខ្ចីមើលមុខនោះផង។

តារាដែលមួយចំនួនដែលកាលពីពេល ឡាយ លក្ខិណា នៅល្បីខ្លាំងហើយពេលនេះបានក្លាយជាតារាល្បីជំនួសអ្នកនាងបានអះអាងថា អ្នកនាងឡាយ លក្ខិណា កាលពីមុនកាលីបណាស់ដោយក្រៅពីមានរថយន្តតម្លៃថ្លៃធ្វើដំណើរ អ្នកនាងក៏មានគ្រឿងអលង្ការពេជ្រពាក់ឡើងស្រោចខ្លួនផងដែរ។

ប៉ុន្តែក្រោយការត្រឡប់វិញ តារាដែលបានជួបអ្នកនាងថ្លែងថាអ្នកនាងមិនដូចមុនទេ ដោយក្រៅពីជិះរថយន្តតម្លៃយ៉ាងសាមញ្ញ មិនសមនឹងកេរ្តិ៍ឈ្មោះដែលធ្លាប់មាន អ្នកនាងក៏ត្រូវគេឃើញស្ទុះស្ទារមករាក់ទាក់ជាមួយតារាស្រករក្រោយខុសពីមុនផងដែរ។
អ្នកខ្លះសង្ស័យថាអ្នកនាងអស់ផ្លូវទើបសម្រេចចិត្តត្រឡប់ចូលសិល្បៈ ក្នុងពេលដែលនាងអ្នកនាងពេលនេះគឺចង់ចេញមុខចេញមាត់យ៉ាងខ្លាំងដោយសូម្បីតែកម្មវិធីមួយដែលមានការចូលរួមសុទ្ធតែជាតារាដែលមិនសូវល្បីឈ្មោះ ក៏អ្នកនាងមិនប្រកាន់ហើយសុខចិត្តចូលរួមជាមួយនោះដែរ។ អ្នកនាងត្រូវបានអ្នកសិល្បៈខ្សឹបខ្សៀវថាសម្រេចចិត្តត្រឡប់ចូលសិល្បៈ ទាំងអស់ជម្រើស ក្នុងពេលដែលមានការទម្លាយថាអាជីពលក់ខោអាវរបស់អ្នកនាងក៏មិនកាក់កប។ អ្នកនាងឡាយ លក្ខិណា ត្រូវគេអះអាងថាធ្លាក់ខ្លួនជាងមុនឆ្ងាយណាស់ ក្នុងពេលដែលអ្នកនាងមុនពេលបាត់មុខគឺជានារីដែលមានគូស្នេហ៍សម្បូរទ្រព្យ និងបានសើយសុខលើគំនរទ្រព្យមុនគេមុនឯង ប៉ុន្តែពេលតារារួមជំនាន់របស់អ្នកនាងរួមមាន ពេជ្រ ច័ន្ទបូរមី ក៏ក្លាយជាលោកជំទាវ និងអ្នកនាងឱក បុរី ក៏ក្លាយជាជំទាវ លើកលែងតែអ្នកនាងមួយដែលបានខ្ពស់មុខខ្ពស់មាត់ក្រោយពេលមានសំណាងបានគូដណ្ដឹងឲ្យថ្លៃបណ្ណាការរហូតដល់រាប់សែនដុល្លារក្នុងពេលល្បីខ្លាំងទៅហើយនោះបែរជាត្រលប់មកកាន់សិល្បៈវិញ ទាំងសម្ភារៈនិយមគឺត្រូវគេកត់សម្គាល់សឹងនឹងមិនមាន។

យ៉ាងណាមិញ ក៏មានការលើកឡើងថាអ្នកនាងអាចនឹងដាក់ខ្លួនមិនប្រើរថយន្តទំនើប និងមិនសម្ញ៉ែងមាសប្រាក់ដែលធ្លាប់រកបានក្នុងពេលវ័យកាន់តែជ្រេនាពេលនេះផងដែរ ដើម្បីកុំឲ្យថាអ្នកនាងកាលីបដូចមុននាំតែខ្វះការអញ្ជើញនូវការងារសិល្បៈ។ ក្នុងនោះអ្នកនាងក៏មិនទាន់សុំការបកស្រាយបាននៅឡើយផងដែរ៕