ក្រោយពីមានការភ្ញាក់ផ្អើលពេញសង្គមហ្វេសប៊ុក រហូតមានអ្នកដៀលលោកថាជាតារាថោកផង ពេលនេះមានការបង្ហោះវីដេអូបកស្រាយហើយថា ការពិតវីដេអូ ដែលម៉ាដូណា ផ្ទុះជម្លោះជាមួយបុរសម្នាក់នោះ គឺជាវីដេអូរៀបចំ ដើម្បីបង្ហាញពីខ្លឹមសាររួមគ្នាថែរក្សាបរិស្ថាននៅគីរីរម្យប៉ុណ្ណោះ។

វីដេអូមួយថ្មីដែលបានបង្ហោះឡើងបានបង្ហាញថា មុននឹងឈានដល់ការផលិតវីដេអូជម្លោះនោះ គឺមានការចាត់ចែងពីអ្នកដឹកនាំ តែតម្រូវឲ្យលោក ម៉ាដូណា និង បុរសអ្នកថតត្រូវធ្វើសម ដើម្បីកុំឲ្យមានការសង្ស័យ។

វីដេអូនោះ ត្រូវបានទម្លាយថា ដើម្បីឲ្យមានការចាប់អារម្មណ៍ក្នុងការថែរក្សាអនាម័យនៅគីរីរម្យ ទើបក្រុមការងារជ្រើសយកទីនោះជាកន្លែងថត ដោយបានទាំងជ្រើសលោកម៉ាដូណា ជាតួសម្ដែង។

ក្រោយការបង្ហោះវីដេអូបញ្ជាក់ពីការថតលេង ម្នាក់ៗស្ដាយខ្លួនដែលបានជេរប្រទិចលោកម៉ាដូណា ប៉ុន្តែក៏នៅតែមានការលើកឡើងថា វីដេអូនេះ ធ្វើឲ្យប៉ះពាល់លោកម៉ាដូណា ច្រើនជាងចំណេញផងដែរ ដោយសារតែក្នុងពេលផ្ទុះប្រតិកម្មគឺលោកត្រូវគេជេរពេញប្រទេស តែពេលបកស្រាយ មិនសូវជាមានអ្នកចាប់អារម្មណ៍ចែកចាយដំណឹងនោះទេ។ វីដេអូ នេះ ត្រូវបានគេចាត់ទុកថា ជាគំរូអាក្រក់មួយ ដែលជះឥទ្ធិពលដល់តម្លៃអ្នកសិល្ប: ដែលមិនបានដឹងថាជាការសម្ដែងនោះផង៕