បន្ទាប់ពីមានដំណឹងបែកធ្លាយថា តារាចម្រៀង ឱក សុគន្ធកញ្ញា ការពិតបានភ្ជាប់ពាក្យរួចហើយជាមួយប្អូនប្រុស ថៅកែហង្សមាស បានធ្វើអោយមានការជឿជាក់១០០ភាគរយថានោះជាព័ត៌មាន បើទោះជាភាគីទាំងសងខាងមិនទាន់ទទួលស្គាល់។ នោះគឺដោយសារតែគ្រួសារខាងតារាចម្រៀង នាង ឱក សុគន្ធកញ្ញា ក៏មិនចេញមុខប្រតិកម្ម ហើយលោក អ៊ឹង សុខលី ដែលជាសមីខ្លួនខាងប្រុសផ្ទាល់ក៏បង្ហាញចម្លើយស្ទាក់ស្ទើរ ដែលហាក់ដូចជាមិនចង់ប្រកែកនឹងអ្វីដែលបានធ្លាយឡើង។ ជាមួយនឹងការផ្ទុះឡើងនូវរឿងរសើបនេះ អ្នកគាំទ្រជាច្រើន ដែលជឿជាក់ថានោះជារឿងពិតមិនអាចប្រកែកបាន បានជំរុញអោយអ្នកទាំងពីរចូលរោងការ ដើម្បីបញ្ចប់ការរិះគន់ណាមួយ។

អ្នកគាំទ្រច្រើនឡើងបានអះអាងថា មិនមែនជារឿងអាក្រក់នោះទេ ដែលឱក សុគន្ធកញ្ញា មានដំណឹងថាបានភ្ជាប់ពាក្យជាមួយលោក អ៊ឹង សុខលី ជាប្អូនប្រុសថៅកែហង្សមាស និងជាអ្នកគ្រប់គ្រងផលិតកម្មចម្រៀងដ៏ធំរបស់ហង្សមាស ព្រពទាំងទូរទស្សន៍របស់ហង្សមាសផង។ ដំណឹងនេះត្រូវបានអ្នកសិល្បៈដឹងជាយូរមកហើយ គ្រាន់តែទើបទម្លាយឡើង បន្ទាប់ពីរូបថតភ្ជាប់ពាក្យរបស់អ្នកទាំងពីរត្រូវគេប្រទះឃើញ ហើយយកមកនិយាយប្រាប់តគ្នា។ ថ្វីដ្វិតថាម្ដាយ ឱក សុគន្ធកញ្ញា អះអាងថាមិនបានដឹង និងភាគីខាងថៅកែហង្សមាសសុទ្ធតែឆ្លើយយ៉ាងខ្លីថា ប៉ុន្តែផ្អែកតាមចរឹតរបស់គ្រួសារហង្សមាស និង ម្ដាយរបស់ឱក សុគន្ធកញ្ញា ដែលតែងតែបដិសេធ និងរមែងចេញមុខបហរតិកម្មនូវរាល់ដំណឹងដែលពាក់ព័ន្ធពីគ្រួសារខ្លួន ហើយស្រាប់ពេលនេះស្ងប់ស្ងាត់មិនប្រតិកម្មបែបនេះ ធ្វើអោយគេមើលឃើញភ្លាមៗថា នោះមិនមែនជាដំណឹងចចាមអារ៉ាម។
​

អ្នកគាំទ្រនៅលើហ្វេសប៊ុកច្រើនឡើង បានសរសេរថាអ្នកទាំងពីរពាក់ព័ន្ធគ្នាយូរហើយ ដោយអ្នកខ្លះបានបញ្ចេញមតិថា ឱក សុគន្ធកញ្ញា និង លោក អ៊ឹង សុខលី មិនត្រឹមតែជាគូដណ្ដឹងប៉ុណ្ណោះទេ គឺថែមទាំងរួមរស់ក្រោមដំបូលតែមួយផង ក្នុងពេលដែលការលើកឡើងនេះ ត្រូវបានអ្នកគាំទ្រខ្លះក៏ចេញមុខប្រតិកម្មជំនួស។

យ៉ាងណាមិញអ្វីដែលមានភាពស្របគ្នា គឺអ្នកគាំទ្រនាងទាំងអស់ ជំរុញអោយនាងឆាប់ចូលរោងការជាមួយបុរសដែលគេអះអាងថាជាគូដណ្ដឹងនោះ ដោយសារតែដំណឹងនោះ គឺនឹងធ្វើអោយនាងក្លាយជានារីដែលមានការសរសើរទៅវិញទេ ដោយសារតែនាងបានរៀបការជាមួយបុរសជាត្រកូលអ្នកជំនាញល្បីឈ្មោះ និងជាបុរសដែលមានឥទ្ធិពលក្នុងការផលិតកម្មវិធីសិល្បៈ និងបទចម្រៀងជួយអោយនាងលេចធ្លោរ។ ម្យ៉ាងឱកាសបើកចំហរស្នេហារបស់នាងជាមួយនឹងមេកើយរបស់ខ្លួនរូបនេះ នឹងជួយអោយនាងគេចផុតដំណឹងអាស្រូវជាមួយបុរសផ្សេងទៀត។ ម្នាក់ៗនិយាយថា បើនាងរៀបការជាមួយលោក អ៊ឹង សុខលី មែន នោះមង្គលការនាងពិតជាផ្អើលមហាជន និងពិភពសិល្បៈ ហើយផ្អែកតាមសមត្ថភាពរបស់នាងមិនអាចធ្លាក់កូដក្រោយរៀបការនោះទេ។

យ៉ាងណាមិញប្រភពជិតស្និទ្ធនឹងហង្សមាស នៅតែបញ្ជាក់ថា ចាស់ទុំមិនទាន់ពីមង្គលនេះ ក៍ព្រោះតែមិនចង់អោយប៉ះពាល់ប្រជាប្រិយរបស់នាងដែលកំពុងឡើងខ្លាំងក្នុងមួយរយៈនេះ។ ប៉ុន្តែនាង និងគូដណ្ដឹងមិនអាចបន្តគេចអាពាហ៍ពិពាហ៍រហូតនោះទេ គឺមង្គលការត្រូវតែកំណត់ធ្វើឡើងដោយគ្រាន់តែរង់ចាំអោយភាគីនាងផ្ទាល់ និង លោកសុខលី រយាលការងារក្នុងដៃបន្តិច។

យ៉ាងណាមិញដំណឹងនេះ នៅតែគ្មានការបកស្រាយណាមួយឡើង ក្នុងពេលដែលម្ដាយរបស់សុគន្ធកញ្ញា ថាមិនបានដឹងរឿងស្នេហារបស់កូនស្រីជាមួយលោក អ៊ឹង សុខលី តែបើថ្ងៃអនាគតគឺជារឿងផ្សេង ឯខាងលោកអ៊ឹង សុខលី នៅតែរក្សាសិទ្ធិសុំមិនបកស្រាយ៕