នៅល្ងាចថ្ងៃទី ១៦ តុលា នេះ តារាចម្រៀង នាង សាន ស្រីឡៃ ដែលត្រូវគេស្គាល់ថាជាអតីតកូនក្រុមពេជ្រ សោភា ក្នុងកម្មវិធី The Voice Cambodia ត្រូវបានខ្មាន់កាំភ្លើងបាញ់សម្លាប់យ៉ាងរន្ធត់ក្នុងមន្ទីរព្តាបាលមួយនៅក្នុងសង្កាត់បឹងកេងកង ជិតស្ថានីយទូរទស្សន៍អប្សរា។ អ្វីដែលគួរអោយឆ្ងល់គឺ បុរសដែលបានបាញ់សម្លាប់នាងជាច្រើនគ្រាប់ ក៍បានបាញ់សម្លាប់ខ្លួនឯងក្នុងហេតុការណ៍នោះផងដែរ ធ្វើអោយគេប៉ាន់ស្មានថា អ្នកទាំងពីរទំនងជាមានទំនាក់ទំនងគ្នា លើសពីសត្រូវ។ មកទល់ម៉ោងនេះសពរបស់នាង កំពុងស្ថិតក្នុងការធ្វើការសីេុបអង្កេត និងគ្រោងតម្កល់ធ្វើបុណ្យក្នុងវត្ត ខណៈដែលហេតុការណ៍នេះ កំពុងធ្វើអោយម្នាក់ៗស្រឡាំងកាំងយ៉ាងខ្លាំង។ មានការទម្លាយថា ក្រោយពីបានល្បីឈ្មោះ នាងបានសម្រេចចិត្តលះលែងស្វាមី ដែលជាអតីតទាហាន ហើយនាងក័ចេះតែមានរឿងផ្ទួនៗកើតឡើងផងដែរ មុនការបាញ់សម្លាប់។ តែគេមិនទាន់ដឹងថា អ្នកបាញ់សម្លាប់នាង ជាអ្នកណាអោយច្បាស់នៅឡើយទេ មកទល់ម៉ោងនេះ៕