យោងតាមការប្រកាសរបស់គណនីយផ្លូការរបស់តារាសម្ដែង កញ្ញា ដេនីក្វាន់ កាលពីព្រឹកថ្ងៃទី២៣ តុលា គឺអតីតារាសម្ដែងនាង កែវ សូរិយា ដែលកាលពីមុនចូលចិត្តថតរូបសុិចសុីៗ ជាមួយពស់បង្អួតលើគម្របទស្សនាវដ្តីនោះ បានទទួលមរណភាពហើយ ដោយការចងកសម្លាប់ខ្លួន។

គេនៅមិនទាន់ដឹងថាអ្វីជាមូលហេតុដែលធ្វើឲ្យនាងឈានដល់ការគិតខ្លីយ៉ាងហ្នឹងនោះទេ ប៉ុន្តែយោងតាមការបែកធ្លាយ កាលពីមួយរយៈពេលមុនគឺ នាង និងបុរសស្វាមី មានជម្លោះវាយដំគ្នាយ៉ាងធ្ងន់ធ្ងរ ដោយបង្កឲ្យនាងមានរបួស និងហូរឈាមយ៉ាងរន្ធត់ផង។

ដំណឹងមរណភាព របស់អតីតតារាសម្ដែង នាង កែវ សូរិយា បានធ្វើឲ្យមានការភ្ញាក់ផ្អើលយ៉ាងខ្លាំង ដោយសារនេះគឺជាដំណឹងអកុសលមួយថ្មីទៀត បន្ទាប់ពីមរណភាពរបស់តារាចម្រៀងសាន ស្រីឡៃ ទើបនឹងធ្វើឲ្យរំជើបរំជួលកក្រើកពិភពសិល្បៈ។ មកទល់ពេលនេះ សពរបស់កែវ សូរិយា ត្រូវបានក្រុមគ្រួសារតម្កល់ធ្វើបុណ្យ តែមិនទាន់ដឹងថា ធ្វើបុណ្យនៅវត្តណា និងបូជាថ្ងៃណានៅឡើយទេ ដោយសារតែការទំនាក់ទំនង សុំការបញ្ជាក់ពីក្រុមគ្រួសាររបស់នាងមិនទាន់បាន៕