កាលពីល្ងាចថ្ងៃទី២៧ វិច្ឆិកា តារាកំប្លែងនាយចឺម បានធ្វើអោយលោកតា វ៉ិចទ័រ មានការភ្ញាក់ផ្អើល និងរំភើបចិត្តយ៉ាងខ្លាំង នៅផ្ទះរបស់លោកតាវ៉ិចទ័រ ដោយផ្ទាល់ បន្ទាប់ពីលោកតា វ៉ិចទ័រ បានប្រកាសអោយនាយចឺម ផ្អាកការកំប្លែងនៅCTN។ នាយចឺមបានអះអាងថា លោកបានលើកទ័ពមកពីខេត្តកំពង់ស្ពឺ ទាំងគ្រួសារតែម្ដង ដើម្បីជូនកាដូដល់លោកតាវ៉ិចទ័រ ជាការសុំទោស បន្ទាប់ពីលោកយល់ថា លោកតាមានការអាក់អន់ចិត្តចំពោះខ្លួន ទើបសម្រេចអោយលោកឈប់កំប្លែងនៅCTN ។

ពិធីជូនកាដូដឹងគុណ និងសុំទោស ដោយមិនអោយលោកតាវ៉ិចទ័រដឹងខ្លួនជាមុននេះ ត្រូវបានចូលរួមពញាក់អារម្មណ៍ពីតារារួមក្រុមមួយចំនួនផងដែរ ទើបធ្វើអោយលោកតាវ៉ិចទ័ររភើបចង់ស្រក់ទឹកភ្នែក។ យ៉ាងណាមិញចំពោះការជូនកាដូនេះ លោកតាវ៉ិចទ័របានអះអាងថា មិនមែនជាលើកទី១នោះទេ គឺនាយចឺមរមែងជូនជាការដឹងគុណច្រើនលើកក្នុងមួយឆ្នាំៗ ជាពិសេសក្នុងរដូវបុណ្យទាន។ ប៉ុន្តែសម្រាប់ការជូនកាដូជាលក្ខណៈដោយមិនដឹងខ្លួនជាមុននេះ លោកថាជាលើកទី១ ដោយសូម្បីតែលោកខ្លួនឯងក៏ទប់អារម្មណ៍រំភើបចិត្តមិនចង់បាន។ លោកតាវ៉ិចទ័របានបកស្រាយថា ហេតុផលដែលលោកតាសម្រេចឈប់អោយនាយចឺមផ្អាកកំប្លែងនៅCTN គឺមិនមែនដោយសារអន់ចិត្តនោះទេ គឺដោយសារតែលោកយល់ថានាយចឺមកំពុងឡងកូដក្នុងអាជីពចម្រៀង ហើយមិនចង់អោយលោកបម្តកំប្លែងនាំអោយសាំភ្នែកអ្នកគាំទ្រប៉ុណ្ណោះ។ លោកថា នាយចឺមកាន់តែល្បីក្នុងអាជីពចម្រៀង ដូច្នេះមិនអោយកំប្លែងឡុកឡាក់ធ្វើអោយមានការធ្លាក់តម្លៃនោះទេ តែលោកនឹងប្រើយុទ្ធសាស្ត្រមួយថ្មី ធ្វើអោយនាយចឺមកាន់តែខ្លាំងក្នុងអាជីពថ្មី។

នាយចឺមនិយាយថា លោកមានការភ័យបារម្ភភ័យខ្លាចលោកតាវ៉ិចទ័រអន់ចិត្តចំពោះរឿងអ្វីមួយ ទើបលោកធ្វើពិធីជូនកាដូ ដោយមានទាំងទឹកប្រាក់មួយស្រោមសំបុត្រផង ដើម្បីសុំទោសលោកតាដល់ផ្ទះ។ យ៉ាងណាមិញលោកថាបានយល់ពីគោលបំណងរឿងលោកតាឈប់អោយកំប្លែងនោះហើយ ទើបលោកកក់ក្ដៅចិត្តវិញនៅក្នុងពេលនេះ៕
https://youtu.be/hCWjABgAcos