នៅទីបំផុតក្ដីស្រម៉ៃរបស់តារាសម្ដែងវ័យក្មេងលោករុន ណាកូ បានបោះជំហានសម្រេចតាមការចង់បានជាបណ្ដើរៗហើយ បន្ទាប់ពីលោកត្រូវបានក្រុមបង្ហាញម៉ូដធំមួយគឺក្រុម«តារារះថ្មី!» ដែលត្រូវគេស្គាល់ថាមានសកម្មភាពបញ្ជូនសមាជិករបស់ខ្លួនឲ្យចេញប្រកួតនៅក្រៅប្រទេសរាប់មិនអស់ ក្រោមការចាត់ចែងរបស់កញ្ញា សូ អែនណា អតីត Miss Global Cambodia នោះ។ នេះជាការបោះជំហានថ្មីមួយ បន្ទាប់ពីលោកត្រូវបានគេដឹងថាចង់ក្លាយជាតារាបង្ហាញម៉ូដ ច្រើនជាងការសម្ដែង និងរាំច្រៀងក្នុងសិល្ប:។

លោករុន ណាកូ បានថ្លែងប្រាប់ថា ក្រោយការបោះជំហានក្លាយខ្លួនជាសមាជិករបស់«គ្រួសារតារាកម្ពុជា»មិនត្រឹមតែមានឱកាសបានសម្ដែងរឿង«នរណា Comeback » និងរឿង «អាបអាលីប២០១៨» ប៉ុណ្ណោះទេ ក៏បានទទួលឱកាសថតសម្អាងការ ថតស្ពត និងត្រូវបានគេហៅថតរឿងជាហូរហែរផងដែរ ប៉ុន្តែបណ្ដាលមកពីលោករវល់រៀនពេទ្យធ្មេញមិនទាន់ចប់ ទើបទទួលខ្លះ មិនទទួលខ្លះ។

ក្នុងនោះបើសម្ដៅលើការងារសង្គម ដូចជាការងារច្រៀងរាំលើឆាកតន្ត្រីសង្ក្រានអបអរចូលឆ្នាំ និងឆាកទូរទស្សន៍សម្រាប់ចាក់ផ្សាយនៅក្នុងឱកាសចូលឆ្នាំជាដើម ក៏លោកសកម្មណាស់ដែរ ក្នុងរយ:ពេលចុងក្រោយ។ យ៉ាងណាមិញ លោកថាខ្លួនកាន់តែសប្បាយចិត្ត បន្ទាប់ពីក្រុមបង្ហាញម៉ូដ«តារារះថ្មី»របស់តារាសម្ដែងកញ្ញា សូ អែនណា បានទទូចស្នើឲ្យលោកចូលក្រុម ដោយអះអាងថារូបរាង កម្ពស់កម្ព និងមុខមាត់របស់លោក គឺជាអ្វីដែលក្រុមចង់បាន។ អ្វីដែលកាន់តែសប្បាយចិត្តទៅទៀត គឺលោកត្រូវបានក្រុមល្បីមួយនេះ ចាត់ទុកឲ្យទទួលការងារសំខាន់ៗជាច្រើននៅក្នុងព្រឹត្តិការណ៍សង្ក្រានដែលនឹងចាប់ផ្ដើមការងារចាប់ពីថ្ងៃទី១០ រហូតដល់ថ្ងៃទី១៦ មេសានោះផង។ លោកថានេះជាការបោះជំហានមួយដែលលោកយល់ថាជាការសម្រេចក្ដីស្រម៉ៃ ប៉ុន្តែក៏មិនទាន់ដឹងថានឹងមានជោគជ័យ ឬទទួលបាននូវការលើកស្ទួយកម្រិតណានៅឡើយដែរ ក្នុងដែលសមាជិកភាគច្រើន គឺលោកកត់សម្គាល់ថាសុទ្ធតែជាតារាប្រេនប្រេនឡូយឡូយ ដែលលោកបានហៅខ្លួនឯងថា ទំនងជាពិបាកតាម។

ឮលោករុន ណាកូ និយាយថា នៅក្នុងក្រុមថ្មី លោកត្រូវការបង្កើនសមត្ថភាព និងក្រេឌីតខ្លួនឯងមិនតិចជាងច្រើនជាងពីបច្ចុប្បន្ននោះទេ ដោយសារតែក្នុងក្រុមនោះ ភាពឡូយឆាយ និងហ៊ឺហារ នឹងស្ថិតក្នុងការប្រជែងគ្នា។ យ៉ាងណាមិញ លោកថាខ្លួនក៏មិនត្រូវការការងារសិល្ប:មួយ ដែលពោរពេញដោយភាពតានតឹងនៅក្នុងអាជីពនោះដែរ ក្នុងពេលដែលលោកក៏មានគម្រោងបើកជំហានគ្លីនិកផ្ទាល់ខ្លួន ដោយមិនពឹងលើសិល្ប:យូរអង្វែង។ លោកនិយាយថាក្នុងចំណោមសិល្ប: លោកស្រឡាញ់ការបង្ហាញម៉ូដ ហើយការបង្ហាញខ្លួនក្នុងក្រុមមួយដែលល្បី និងមានកេរ្តិ៍ឈ្មោះបោះសំលេងគឺជាអ្វីដែលលោកចង់បាន ប៉ុន្តែលោកក៏មិនអាចតស៊ូនៅក្នុងសម្ពាធនៃការប្រកួតប្រជែងបានដែរ។ លោករំពឹងថាការងារថ្មីនៅក្នុងក្រុមថ្មីនេះ នឹងជួយឲ្យលោកឈានឡើង បន្ថែមពីលើការងារសម្ដែង និងថតស្ពតនាពេលចុងក្រោយ៕