ផ្ទះ ព័ត៌មានសិល្បៈ និងកម្សាន្ត គីម ថាណា ចេញប...

គីម ថាណា ចេញបទ”គ្មាន​អ្នក​ណា​កែ​ចិត្តបង”តសាច់រឿងចាស់

0

ខណ:ដែលបទចម្រៀង «អ្នកណាកែចិត្តបង»នៅតែបន្តចាក់ដោតក្នុងផ្នត់គំនិតមហាជន តារាចម្រៀងលោក គីម ថាណា ស្រាប់តែធ្វើឲ្យមានការចាប់អារម្មណ៍បន្ទាប់ពីបញ្ចេញបទចម្រៀងឆ្លើយតបក្រោមចំណងជើងថា”គ្មានអ្នកណាកែចិត្តបង” តែមានរសជាតិថ្មី សម្រាប់ខ្លឹមសារបទចម្រៀង។ បទចម្រៀងរបស់លោកគឺជា MV វគ្គ២ ដែលសូម្បីសាច់រឿងក៍ទាក់ចិត្តមិនធម្មតា។

បទចម្រៀងដែលមានចំណងជើងថា”គ្មានអ្នកណាកែចិត្តបង”នេះ គឺបទចម្រៀងវគ្គពីរ ក្រោមការសហការរបស់ផលិតកម្ម Zone និងផលិតកម្ម BN ហើយត្រូវបាននិពន្ធអត្ថន័យឆ្លើយតបនឹងបទដើម តែមានខ្លឹមសារខុសពីបទ”គ្មានអ្នកណាកែចិត្តបង” របស់លោក​ប៊ុត សីហា។

លោក គីម ថាណា ដែលត្រូវបានជ្រើសឲ្យច្រៀងក្នុងបទចម្រៀងនេះ បានបង្ហាញពីការរំពឹងយ៉ាងខ្លាំង បន្ទាប់ពីផេករបស់ផលិតកម្មដាក់បង្ហោះ ហើយមានអ្នកចូលទស្សនា ច្រើន។ MV របស់លោក ត្រូវបានគេកត់សម្គាល់ថាមានសាច់រឿងតភាគនឹងបទស្រី ដោយបទចម្រៀងលោកត្រូវបានផលិតឡើងក្រោមការជ្រោមជ្រែងរបស់ក្រុមហ៊ុនអាដេ។

លោក សរ បូរ៉ា តំណាងផលិតផលអាដេ បានថ្លែងបញ្ជាក់ថា ក្រុមហ៊ុនរបស់លោក បានជួយផលិតបទចម្រៀងនៅក្នុងផលិតកម្ម BN បានចំនួន២បទហើយ ដោយបទទី១គឺបទ”អ្នកណាកែចិត្តបង”បទស្រី និងបទទី២ គឺបទ”គ្មានអ្នកណាកែចិត្តបង”ដែលច្រៀង ដោយលោក គីម ថាណា នេះ។ លោកថាក្រុមហ៊ុនអាដេ ចង់រួមចំណែកផលិតMV លើកស្ទួយក្នុងវិស័យចម្រៀង ទើបក្រុមហ៊ុនរបស់លោកសម្រេចចិត្តបោះទុន។ ម្យ៉ាងមកពីបទចម្រៀង”អ្នកណាកែចិត្តបង”ជាបទដែលមានមហាជនភាគច្រើនទទួលស្គាល់ផង ទើបក្រុមហ៊ុន របស់លោកសប្បាយចិត្តក្នុងការជ្រោមជ្រែង។
MV មួយបទនេះ ចូលរួមសម្ដែង ដោយ លោក ប្រាក់ ផាកន, កញ្ញា ទីទី និងកញ្ញា គីម សៀវឡាម។

ខាងក្រោយនេះជា MV បទចម្រៀង «គ្មានអ្នកណាកែចិត្តបង» វគ្គពីរ៖

Loading...

Leave a Reply

This site uses Akismet to reduce spam. Learn how your comment data is processed.