Post News Media ព័ត៌មានសិល្បៈ និងកម្សាន្ត មិននឹកស្មាន ថ...

មិននឹកស្មាន ថៃ នរ:វិទូ នៅតែមានប្រជាប្រិយភាព តាមរយ:ខួបកំណើតយប់មិញ

ខុសពីការប៉ាន់ស្មានដែលថាអតីតតារាសម្ដែង និងជា Freshies boy ល្បីល្បាញ លោកថៃ នរ:វិទូ ធ្វើខួបកំណើតឆ្លងវ័យ៣០ចូល៣១ឆ្នាំ ទំនងនឹងមានតារាសិល្ប: និងភ្ញៀវកិត្តិយសមិនច្រើនណាស់ណា ចូលរួមពិធីខួបរបស់លោក ដែលបានធ្វើឡើងកាលពីយប់ថ្ងៃទី២៦ មេសា តែផ្ទុយទៅវិញ បែរជាឃើញភ្ញៀវយ៉ាងច្រើនកុះករតែម្ដង ដោយក្នុងពិធីនោះ គេឃើញភ្ញៀវអ្នកចូលរួម ស្ទើរមិនមានតុអង្គុយនោះផង។ ខួបកំណើតដែលបានធ្វើឡើងជាទ្រង់ទ្រាយធំនេះ ត្រូវបានម្ដាយរបស់លោក គឺ អ្នកស្រី ងិន ម៉ានីយ៉ា ដែលជាអ្នកនិពន្ធបទចម្រៀង ដ៏ឆ្នើមរៀបចំឲ្យ ដើម្បីប្រកាសឲ្យដឹងថា លោក ថៃ នរ:វិទូ ក្រោយបញ្ចប់ពិធីខួបកំណើតទៅ គឺត្រលប់មកកាន់វិថីសិល្ប:វិញហើយ។

អ្នកស្រី ងិន ម៉ានីយ៉ា បានថ្លែងបញ្ជាក់ថា ដោយសារតែអ្នកស្រី រៀបនឹងបើកក្រុមហ៑ុនប្រកាសលក់ អាហារបំប៉នសុខភាពល្បីល្បាញ ក្នុងអំឡុងចុងខែមេសានេះផង ទើបអ្នកស្រីសម្រេចធ្វើខួបឲ្យកូនប្រុស គឺលោក ថៃ នរ:វិទូ ឲ្យធំតែម្ដង ដើម្បីឲ្យកូនមានសិរីសួស្ដីក្នុងឆ្នាំថ្មីផង និងដើម្បីឲ្យកូនសប្បាយចិត្តផង។ អ្នកស្រីពិធីនេះ មិនខុសពីបើកឱកាសឲ្យថៃ នរ:វិទូ បានជួបជុំមិត្តភ័ក្ត្រម្ដងទៀត និងដើម្បីមហាជនដឹងថា បើទោះជាកូនប្រុសរបស់អ្នកស្រី ធ្លាប់ដើរផ្លូវខុសធ្វើឲ្យមានការរិះគន់កាលពីមុន ប៉ុន្តែពេលនេះ លោកបានកែប្រែជំហរ និងដើរតួជាប្ដីល្អជាកូនល្អ និងជាឳពុកល្អវិញហើយ ដោយអ្នកស្រី ប្រកាសថា លោក ថៃ នរ:វិទូ នឹងបង្ហាញមុខថតកុនជាថ្មី ហើយរំពឹងថា នឹងទទួលបានប្រជាប្រិយភាពដូចដើមនោះផង។

លោកថៃ នរ:វិទូ ដែលត្រូវលោក ថៃ នរ:សត្យា ជាឳពុកលើកសរសើរ មិនដាច់ពីមាត់ក្នុងពេលជូនពរខួបកំណើត បានថ្លែងបញ្ជាក់ថា នៅអំឡុងចុងខែ៥ខាងមុខ លោកនឹងបង្ហាញមុខថតកុនវិញហើយ ដោយមានក្រុមហ៑ុនមួយ បានទាក់ទងឲ្យលោកថតកុនរឿងខ្លី ដែលរឿងបើកឆាកក្នុងជីវិតសិល្ប:ជាថ្មីរបស់លោកនោះ គឺលោកនៅតែទទួល បានតំណែងតួឯក។ លោកថាខ្លួនត្រលប់មកកាន់សិល្ប:ម្ដងនេះ មិនមែនគ្រាន់តែចូលលេងៗ នោះទេ គឺចូលឲ្យស៑ប់តេម្ដង ដោយទទួលទាំងថតស្ពត ថតរឿងដុំ និងថតរឿងភាគ បើទោះជាត្រូវប្រើពេលច្រើនខែ និងត្រូវចុះទៅខេត្តឆ្ងាយៗ ប៉ុន្តែលោកនឹងម្រេចដើរផ្លូវសិល្ប:ជាថ្មី ដើម្បីកសាងកេរ្តិ៍ឈ្មោះ។

លោករំពឹងថាវិថីសិល្ប:របស់ខ្លួន នឹងមិនយឺតពេលទេ ដោយសារតែគ្រាន់តែប្រកាសសម្ដែង នៅលើហ្វេសប៑ុកកាលពីប៉ុន្មានថ្ងៃមុនលេងៗផង ក៏មានផលិតករទាក់ទងបានមួយរឿងទៅហើយ៕