ផ្ទះ ព័ត៌មានសិល្បៈ និងកម្សាន្ត បាតមុខពីស្រុក...

បាតមុខពីស្រុកខ្មែរ ជិត១០ឆ្នាំ អតីតចម្រៀង ទី អន ប្រកាសចេញ Original Song ១៥បទ

0

កាលពីជាង៧ឆ្នាំមុន តារាចម្រៀង លោក ទី អន (Ty On) ដែលត្រូវគេស្គាល់ថា ជាអតីតបេក្ខជនកម្មវិធីប្រទ្បងចម្រៀង និងសម្ដែង ក្នុងកម្មវិធីយុវតារាស្រាសាច់ដុំ កាលពីឆ្នាំ២០០៧ ប្រកាសវិលចូលសិល្ប:វិញហើយ ដោយលោក នឹងគ្រោងបញ្ចេញបទចម្រៀង Original Song ផ្ទាល់ខ្លួនក្នុងពេលដ៏ខ្លី បើទោះជាក្នុងពេលនេះ លោកស្ថិតនៅសហរដ្ឋអាមេរិក។ លោកប្រកាសចេញ១៥បទ តែម្ដង ដើម្បីធ្វើឲ្យកម្រើកអាជីពសិល្ប:ជាថ្មី។

លោក ទី អន បានថ្លែងពីសហរដ្ឋអាមេរិកថា នៅលើទឹកដីថ្មី លោកនៅតែបន្តអាជីពចម្រៀងដូចកាលលោកស្រុកខ្មែរដដែលទេ ដោយរាល់កម្មវិធីបុណ្យទាន និងកម្មវិធីលក់សំបុត្រម្ដងៗ គឺលោកត្រូវបានគេអញ្ជើញមិនដែលខាន។ យ៉ាងណាមិញលោកទទួលតែការងារសំខាន់ៗប៉ុណ្ណោះ ដោយសារតែនៅអាមេរិក លោកក៏មានការងារពិបាកសុំច្បាប់។

លោក ទី អន និយាយថា មុនទៅអាមេរិក លោកគឺជាតារាចម្រៀងផង និង ជាតារាសម្ដែងផង ដោយមុនចេញពីស្រុកកំណើត លោកធ្លាប់ចេញបទ Original ២បទ ដោយក្នុងបទ”បុប្ផារីកក្នុងចិត្ត”ទទួលបានការគាំទ្រច្រើន។ អុីចឹងហើយទើបលោក នៅតែមិនចោលអាជីពចម្រៀង។ នៅក្នុងពេលនេះ លោកបានផលិតសាច់ភ្លេងបទថ្មី បានចំនួន១៥បទហើយ ដោយមានទាំងបទមនោសញ្ចេតនា បទញាក់ និងបទរាំវង់ កន្ទ្រឹម សម្រាប់ឱកាសចូលឆ្នាំផងដែរ។ លោកនឹងចុះមកថតបទចម្រៀងទាំងនោះនៅថ្ងៃទី១៧ ខែកុម្ភ: ឆ្នាំ២០២០នេះ ដើម្បីឲ្យឆាប់បានបទទាំងនោះ ដាក់បង្ហោះឲ្យទាន់មុនចូលឆ្នាំ។ យ៉ាងណាមិញ លោកមិនទាន់សម្រេចចិត្តមករស់នៅស្រុកខ្មែរនៅឡើយទេ តែលោកនឹងសម្លឹងមើលឱកាសមករស់នៅស្រុកវិញ នៅពេលលោកចុះមកថត MV ទាំង១៥បទរបស់លោក ប្រសិនបើការងារសិល្ប:នៅទីនេះល្អជាងនៅអាមេរិក។ បទចម្រៀងដែលត្រៀមថតនោះ លោកនឹងច្រៀងបង្ហាញ នៅលើទឹកដីអាមេរិក ដោយសារតែខាងអ្នករៀបចំកម្មវិធីប្រគំតន្ត្រីអបអរចូលឆ្នាំនៅអាមេរិក បានកុងត្រាយកលោក ឲ្យច្រៀងរាំរួចហើយ៕

មតិយោបល់