ផ្ទះ ព័ត៌មានសិល្បៈ និងកម្សាន្ត គីម ផាន់ណាវីត...

គីម ផាន់ណាវីត ធ្វើខួបធំ ក្រោយទីផ្សារសិល្បៈហក់ឡើង

0

បាត់មុខពីសិល្ប:មួយរយ: តារាសម្ដែងវ័យក្មេង លោក គីម ផាន់ណាវីត ទើបតែវិលមកកាន់ការសម្ដែងប្រមាណជាមួយឆ្នាំចុងក្រោយប៉ុណ្ណោះ ប៉ុន្តែគេកត់សម្គាល់ថា ទីផ្សារសិល្ប:របស់លោករីកលូតលាស់ដាច់ឆ្ងាយពីការសស្រាក់សស្រាំលើកមុនៗ។ អ៊ីចឹងហើយ ទើបក្នុងពិធីខួបកំណើតរបស់លោកកាលពីថ្ងៃទី៣ កុម្ភ: ឆ្នាំ២០២០ មានសិល្បករចូលរួមច្រើន។

លោក គីម ផាន់ណាវីត និយាយថាកន្លងមកលោកធ្លាប់តែធ្វើខួបកំណើតតូចៗជាលក្ខណ:គ្រួសារតែប៉ុណ្ណោះ ទើបលោកសប្បាយចិត្តនៅពេលលោកធ្វើខួបធំ ហើយមានតារាសិល្ប: និងភ្ញៀវកិត្តិយសចូលរួមកុះករ។ ពិធីក៏ដើម្បីជួបជាអ្នកសិល្ប: និងដើម្បីពង្រីកកេរ្តិ៍ឈ្នះរបស់លោកក្រោយពេលឡើងកូដផងដែរ។ លោកក៏ប្រកាស នឹងធ្វើខួបឲ្យធំនៅឆ្នាំក្រោយ ប្រសិនបើការងារសិល្ប:របស់លោកកាន់តែមានការឈានឡើងនោះផងដែរ។

លោក គីម ផាន់ណាវីត បន្តថា ចាប់ពីពេលនេះតទៅ លោកនឹងទទួលការងារសិល្ប:ឲ្យពេញទំហឹង មិនឈប់បាត់មុខទៀតទេ បន្ទាប់ពីលោកសម្រេចចិត្ត ព្យួរចោលការសិក្សាផ្នែកទីផ្សារត្រឹមឆ្នាំទី២ ដោយលោកបញ្ជាក់ថា ដើម្បីមានពេលរកលុយ និងសាងកេរ្តិ៍ឈ្មោះនៅក្នុងពិភពសម្ដែង។ ក្នុងនោះលោកក៏ត្រៀមបើកហាងផាប់ និងហាងលក់អាហារ បន្ទាប់ពីបញ្ចប់ពិធីខួបកំណើតផងដែរ ដើម្បីមានចំណូលទប់នឹងការងារសិល្ប:។ លោកទើបតែបានថតបញ្ចប់រឿង “មន្តស្នេហ៍នាងដារីយ៉ា” ដែលជារឿងភាគរបស់ផលិតកម្មក្លាស៊ីក ត្រៀមនឹងដាក់បញ្ចាំងនៅTVK ខណ:ដែលក្នុងពេលនេះ លោកក៏មានឱកាសថត MV និង បទចម្រៀងឲ្យផលិតកម្មហង្សមាសជាដើម ដែលធ្វើឲ្យលោកមើលឃើញ ពីការឈានឡើងក្នុងសិល្ប:។ ដោយឡែកក្នុងពិធីខួបរបស់លោក គេឃើញមានវត្តមានតារាថ្មីៗជាច្រើនរូប ដោយតារាល្បីៗ ក៏មានវត្តមានចូលរួមមិនតិចនាក់ផងដែរ៕

មតិយោបល់