ភ្នំពេញ: អ្នកប្រដាល់ចិត្តសឿង លោក កែវ រំចង់ នឹងបង្ហាញវត្តមានក្នុងបទចម្រៀង «ជីវិតអ្នកប្រដាល់» របស់តារាចម្រៀងសំនៀងស្អក លោក ខេម ដែលជាដំណឹងមួយ រំជើបរំជួលសម្រាប់អ្នកស្នេហាវិស័យកីឡា និងសិល្ប: ។
លោក ងួន សុបិន្ត អ្នកនិពន្ធ និងជាអ្នកដឹកនាំ ក្នុងផលិតកម្ម ថោន បានប្រាប់ Post News នៅរសៀលថ្ងៃទី៣០ ខែកក្កដា ឆ្នាំ២០១៦ ឲ្យដឹងថា លោកកែវ រំចឹង់នឹងបង្ហាញវត្តមាន សម្តែងក្នុងបទ «ជីវិតអ្នកប្រដាល់» របស់ ខេម ហើយបទនេះនឹងចេញជា Audio Trailer នៅរសៀលថ្ងៃនេះ តែម្តង។
ដោយសារតែមើលឃើញ ថាបច្ចុប្បន្នវិស័យកីឡាប្រដាល់ផុសផុលខ្លាំងចឹង ក៏លើកបង្ហាញពីផលលំបាក របស់អ្នកប្រដាល់ តាមរយ:បទចម្រៀង ដែលមាននៅក្នុងផលិតកម្មថោន តែម្តង ។
លោក សុបិន្តថា «បទនេះដែរ និយាយពីទុក្ខលំបាករបស់អ្នកប្រដាល់ នៅពេលដែលឡើងប្រកួត លើសង្វៀន ភាពឈឺចាប់របស់គាត់ បើទោះបីជាគាត់ឈឺប៉ុណ្ណា ក៏គាត់មិនដែលបង្ហាញទៅកាន់ទស្សនិកជន នូវភាពឈឺចាប់នោះទេ »។
សូមបញ្ជាក់ផងដែរថា បទ«ជីវិតអ្នកប្រដាល់» មិនមែនជាបទ Original Song ដោយយកមេឡូឌី មរតកដើម ក្រោមចំណងជើងថា «ជ្រោះអូរយ៉ាដា» ៕
ស្តាប់បទ «ជីវិតអ្នកប្រដាល់» ដូចខាងក្រោមនេះ៖
//www.youtube.com/watch?v=AGIc_7gvetY&feature=youtu.be
ព័ត៌មានសិល្បៈ និងកម្សាន្ត
មតិយោបល់