ភ្នំពេញៈ ជម្លោះ​ដ៏ចម្រូងចម្រាស់ រវាង​ លោក សាន សេកសុខុម និង ផលិតកម្ម Z Entertainment បាន​បញ្ចប់ជាស្ថាពរ នៅ​នាយកដ្ឋានភាពយន្ត នា​រសៀលថ្ងៃទី​១៨ ខែសីហា ឆ្នាំ ២០១៦ ដោយភាគី​អតីត​អ្នកនិពន្ធ បានទទួលនូវ​ហេតុផល​មួយដ៏សម​​រម្យ ពីម្ចាស់ផលិតកម្ម ។​

គេនៅចាំបាន​ថា កាលពីព្រឹកថ្ងៃទី ០៤ ខែសីហា ឆ្នាំ២០១៦ លោក សាន សេកសុខុម បាន​ ផ្ទុះកូដកម្មតវ៉ា លើ​ផលិត​កម្ម Z Entertainment ដែល​លួច​ចំលង​ស្នា​ដៃ របស់ខ្លួន រហូតដល់ នាយកដ្ឋានភាពយន្ត លូកដៃចូល ដើម្បីដោះស្រាយ រឿង​មួយនេះ ។​

លោក សាន សេកសុខុម បានប្រាប់ Post News ថា បន្ទាប់ពីមានការជួបជុំគ្នា រយៈពេលជាង ១ម៉ោង មក ដោយឡើងសរសៃក រៀងខ្លួន ដោយទីបំផុត ក៏បានចរចារគ្នាត្រូវ ក្រោយមានការអន្តាគមន៍ ពីនាយកដ្ឋានក្រសួងភាពយន្ត ។​

អតីតកវីនិពន្ធ ផលិតកម្ម សាន់ដេ លោក សាន សេកសុខុម ថា «ខាងផលិតកម្ម Z Entertainment នឹង​ផុស Poster ដែលមានឈ្មោះ​ខ្ញុំ ជា​អ្នកនិពន្ធ ឡើងវិញ ដោយខាងផលិតកម្ម សូមពេល ២ថ្ងៃ បើមិនថ្ងៃនេះទេ គឺថ្ងៃស្អែក​ នៅលើផេក ដោយមាន​ឈ្មោះខ្ញុំជា​អ្នកនិពន្ធ​ ខ្សែភាពយន្ត អមតៈ»៕​