Post News Media ព័ត៌មានសិល្បៈ និងកម្សាន្ត Trailer បទថ្ម...

Trailer បទថ្មីរបស់ ហ្សូណូ ចេញបានតែប៉ុន្មានម៉ោងមានអ្នកគាំទ្រ មិនចាញ់បទបរទេស

ភ្នំពេញ: តារាចម្រៀងផលិតកម្មហង្សមាស លោក ហ្សូណូ បានចំណាយថវិកាផ្ទាល់ខ្លួន ខ្ទង់ ពាន់ដុល្លារ ដើម្បីផលិតបទនិពន្ធថ្មីរបស់ខ្លួន ត្រៀមបម្រើអារម្មណ៍ទស្សនិកជន ក្នុងពេលខាងមុខដ៏ខ្លី ។

នេះមិនមែនជាលើកទី១ នោះទេ ដែលតារាចម្រៀង ហ្សូណូ ចេញបទថ្មី ផ្ទាល់ខ្លួន ដោយបទនិពន្ធថ្មី របស់ខ្លួន បានចេញតាំងពីនៅ ផលិតកម្ម KH Promotion បទ «ឃ្លាតព្រោះជីវិត» និង តាំងពីនៅក្រុម កូកូណាត់ មកម្លេះ ។

ថ្លែងប្រាប់ Post News នៅរសៀលថ្ងៃទី២០ ខែសីហា ឆ្នាំ២០១៦ នេះលោក ហ្សូណូ បានឲ្យដឹងថា ការប្រើប្រាស់នូវពាក្យថា Original Song ស្តាប់ទៅមិនដឹងថាម៉េចទេ ? បណ្តាប្រទេសផ្សេងៗ ដូចអត់មាន មានតែខ្មែរយើងមួយ ហើយក៏ឆ្ងល់ដែរ ហេតុអ្វី ចាំបាច់ដាក់ពាក្យថា Original Song ? តាំងពីដើមមកខ្មែរយើង មិនបានប្រើពាក្យនេះទេ បើទោះបីជា មានបទនិពន្ធថ្មី របស់ខ្លួន ជាច្រើននោះ ។

បទចម្រៀងគឺបទចម្រៀងហើយ ស្រុកគេចេញមក ជារបស់គេហើយ យើងទៅនាំគ្នានិយាយអ៊ីចឹងធ្វើអី ? ដោយសារតែយើង ធ្លាប់ចម្លង បទគេវាច្រើនលើសលប់ពេក ដល់ពេលធ្វើបទខ្លួនឯង មួយបទទៅៗ មិនដឹងរកពាក្យអ្វី និយាយឲ្យងាយស្រួល ក៏ដាក់ ពាក្យថា Original Song ទៅ តែសម្រាប់ខ្ញុំ គឺស្នាដៃនិពន្ធបទថ្មី ព្រោះជាពាក្យខ្មែររបស់យើង។ នេះជាសម្តីរបស់ ហ្សូណូ បានថ្លែង។

ទន្ទឹមជាមួយនឹងការលើកហេតុផលនោះ ដោយសារតែ ហ្សូណូ បានចេញបទថ្មីរបស់ខ្លួន ក្រោមចំណងជើងថា «បងចាំ» ដែលក្រុមការងាររបស់លោក កំពុងដុតដៃដុតជើង ផលិតបទមួយនេះ ឲ្យមានលក្ខណ: ស្តង់ដា ។

ហ្សូណូ ថា«បទចម្រៀង បងចាំ គឺជាបទមួយដែលមានសាច់រឿងពិត ហើយខ្ទង់ចំណាយ គឺអស់ ខ្ទង់ពាន់ដុល្លារហើយ ហើយបទរបស់ខ្ញុំនេះ ថតមិនទាន់ចប់ទេ អាចនឹងចំណាយ ១ពាន់ថែមទៀត ក៏ថាបានដែរ»

លោក ជួន សុវណ្ណវាសនា ដែលជាផលិតករម្នាក់ ធ្លាប់បានចូលរួមផលិតបទឲ្យ ហេង ពិទូ និង កំពុងដឹកនាំការផលិតឲ្យ ហ្សូណូ បានមានប្រសាសន៍ថា នៅលោកខាងលិច គេមិនដែលប្រើប្រាស់ពាក្យថា Original Song នោះទេ ហើយបទ «បងចាំ» នេះ លោកក៏ប្តេជ្ញាចិត្ត ធ្វើមិនឲ្យចាញ់ប្រទេសជិតឡើយ តាមបទពិសោធន៍របស់លោក កន្លងមក និងសង្ឈឹមថាបទមួយនេះ នឹងផ្ទុះនៅពេលដែលវាយលុកទីផ្សារ ខាងមុខ ៕

ទស្សនាបទ «បងចាំ» ដូចខាងក្រោមនេះ៖

Zono (4)

Zono (2)

Zono (6)

Zono (1)

Zono (3)

Zono (5)

ខាងក្រោមនេះជា Story Board បទ «បងចាំ»

Story Board (1)

Story Board (4)

Story Board (2)

Story Board (3)

Loading...