Post News Media ព័ត៌មានសិល្បៈ និងកម្សាន្ត ខេន លះបង់តម្ល...

ខេន លះបង់តម្លៃខ្លួន ដើម្បីពេទ្យគន្ធបុប្ជា និងសង្គម

ភ្នំពេញ: ខេន គឺជា​តារាចម្រៀង​មួយដួង ដែលមានសំនៀង ស្រដៀងទៅនឹង តារាចម្រៀង ខេម របស់ផលិតកម្ម ថោន ដោយប្រកាសជំហរ​របស់ខ្លួន ប្រាប់ Post News ថា បើមានឱកាស​ខ្លួននឹង​យកបទ ចម្រៀងនិពន្ធថ្មី ដែលគេហៅថា Original Song យកទៅច្រៀង​តាមវង់ប្រគំតន្ត្រីសប្បុរសធម៌ ដោយមិនគិតថវិកា​ ។​

តារាចម្រៀង រតន: ហៅ ខេន អាយុ ២៨ឆ្នាំ ជា​អ្នកភ្នំពេញ បានថ្លែង​ឲ្យដឹងថា ក្នុងរយ:ពេល​ចូល​សិល្ប:​ ៤ឆ្នាំនេះ លោកតែងតែស្រម៉ៃ នឹងចង់មានឱកាសណាមួយ អាចយកបទចម្រៀង​និពន្ធផ្ទាល់ខ្លួន ឬបទនិពន្ធថ្មីស្នាដៃកូនខ្មែរ យកទៅច្រៀង ក្នុងការប្រគំតន្ត្រី​សប្បុរសធម៌ ដើម្បីជួយដល់សង្គម ។​

តារាចម្រៀងក្នុងក្រុមចចកសមុទ្រ ថា «បើសិនគេហៅខ្ញុំមែន ខ្ញុំនឹងយកបទចម្រៀងនិពន្ធថ្មី ទាំងអស់នោះ ឡើងច្រៀង​ដោយមិនគិត កម្រៃ ឲ្យតែការងារជួយដល់សង្គមជាតិ ជាពិសេស កម្មវិធីពាក់ព័ន្ធនឹងពេទ្យគន្ធ​បុប្ជា » ។​

អតីត​តារាចម្រៀង ក្នុងផលិតកម្ម BKS បានបន្តថា ក្នុងចំណោមបទនិពន្ធថ្មី ដែលខ្លួនចង់យកទៅច្រៀង​ ដោយមិនគិតកម្រៃ ដើម្បីជួយដល់សង្គមនោះ មានដូចជា បទ«ហេតុអ្វីចាក់ចេញ» បទ«សន្យាបានទេ កុំទៅណាចោលបង» និងបទ «កូនល្អ​» និងមានបទជាច្រើនទៀត ជាបទនិពន្ធថ្មី ដែលត្រៀមចេញ ក្នុងពេលឆាប់ៗ​ខាងមុខនេះ ៕​

Khen (1)

Khen (2)

Khen (3)

Khen (4)

Khen (5)

Khen (6)

Ken

ស្តាប់បទ «ហេតុអ្វីចាក់ចេញ» ដូចខាងក្រោមនេះ៖

Loading...