លោកគង់ វិសាល អ្នកដឹកនាំសម្តែងមួយរូបប្រចាំស្ថានីយទូរទស្សន៍បាយ័ន បានសម្រេចចិត្តចាប់ដៃជាមួយយុវតីក្នុងត្រកូលអ្នក ធូរធារម្នាក់ចូលរោងការទៅតាមគន្លងប្រពៃណីនៅថ្ងៃទី១៧ មករា ២០១២ ស្អែកនេះ នៅវិមានពេជ្រចរណៃ ឬមណ្ឌលវប្បធម៌រាជធានីភ្នំពេញ ដែលគ្រោងនឹងសម្បូរទៅដោយភ្ញៀវសិល្បករ សិល្បការិនី អ្នកកាសែត មន្ត្រីរាជការ និងអ្នកជំនួញចូលរួមច្រើន កុះករផ្តល់ជោគជ័យ សិរីមង្គល វិបុលសុខគ្រប់ប្រការមហាប្រសើរដល់គូស្វាមីភរិយាថ្មោង ថ្មីនេះ។
ភរិយាថ្មីថ្មោងរបស់លោកគង់ វិសាល គឺ កញ្ញាហេង ហៀង អាយុ១៨ឆ្នាំ ជានិស្សិតនៅសាលា ELT ជាកូនមន្ត្រីរាជការថ្នាក់កណ្តាល និងម្តាយជាអ្នកជំនួញគ្រាន់បើម្នាក់។ លោកគង់ វិសាល អ្នកដឹកនាំ កម្មវិធីតន្ត្រីយុវវ័យប្រចាំស្ថានីយទូរទស្សន៍បាយ័ន បន្ទាប់ពីបញ្ចប់ជីវិតសោកសៅជាមួយកញ្ញាពេជ្រ សេរីរ័ត្ន រយៈពេលប្រមាណ៦ខែមកនេះ បានមានប្រសាសន៍ឱ្យដឹងថា ភ្ញៀវពន្លឺរបស់លោកដែលត្រូវមកចូលរួមអបអរសាទរ គឺប្រមាណជាង៨០០នាក់ ព្រោះ លោកបានកុម្ម៉ង់តុការ៨០តុ ។
ពិធីមង្គលការជាមួយភរិយាក្មេងដែលមានអាយុស្មើនឹងពាក់កណ្ដាលលោក គង់ វិសាល នោះ ត្រូវបានគេ មើលឃើញថាគឺបន្ទាប់ពីអ្នកដឹកនាំកម្មវិធីសិល្បៈរូបនេះជួបប្រទះ នូវរឿងរ៉ាវបែក បាក់ស្នេហ៍ដ៏ស្រួចស្រាល់ ជាមួយនឹងអតីតពិធីការិនី ពេជ្រ សិរីរ័ត្ន ហើយក៏ត្រូវចែកផ្លូវគ្នាគ្មាន ថ្ងៃជួប ប៉ុន្ដែសម្រាប់លោក គង់ វិសាល ក៏មាននារីវ័យក្មេងស្ម័គ្រចូលស្អំ បេះដូងដែលគ្រាំគ្រា នេះឱ្យធូរស្បើយ រហូតឈានដល់ពិធីរៀប អាពាហ៍ពិពាហ៍ យ៉ាងឆាប់រហ័សបំផុត។ ចំណែកឯ ពេជ្រ សិរីរ័ត្ន ក៏បានឈានជើងចាកចេញ ពីពិភព សិល្បៈដែលនាង ធ្លាប់មាន មុខមានមាត់ ទាំងមិនអស់ចិត្ដ ហើយក៏ជួបប្រទះនូវស្នេហាជាមួយអ្នកផ្សេង តែនាង មិនអាចបង្ហាញមុខគូរស្នេហ៍ ជាសាធារណៈដូចលោក គង់ វិសាលនោះឡើយ ព្រោះបុរសជា គូស្នេហ៍នាងអាចមាន ឋានៈធំនិងមានជាប់ពាក់ ព័ន្ធជាមួយប្រពន្ធកូនទៀតផង។
សូមបញ្ជាក់ផងដែរថា ពិធីមង្គលជ័យនេះនឹងរៀបចំនៅគេហដ្ឋាននាង ហេង ហៀង ស្ថិត ក្នុងសង្កាត់ទឹកថ្លា ខណ្ឌសែនសុខ ក្បែរស្ថានីយ៍ទូរទស្សន៍អាស៊ីអាគ្នេយ៍ និងរៀបចំទទួលភ្ញៀវ កិត្ដិយសនៅឯសាលមហោស្រប ចេនឡា នាល្ងាចថ្ងៃទី១៧ ខែមករា ឆ្នាំ២០១២ ស្អែកនេះ៕ ដោយៈ ឈាមត្រជាក់
មតិយោបល់