សម្រាប់មិត្តយុវវ័យ ឬ ប្រិយមិត្តដែលមិនអាចមានធនធានគ្រប់គ្រាន់ក្នុងការទទួលបាននូវអាវ ខោ ម៉ាក់ល្បី តែអាចស្លៀកពាក់ទៅចុះសម្រុងនឹងគេ ដែលទាំងនេះមិត្តយុវវ័យអាចទិញនូវអាវជជុះ តែមុននឹងទិញសូមពិនិត្យនូវលក្ខណដូចខាងក្រោមដើម្បីបានអាវ និងខោ ដែលគួរជាទីពេញចិត្ត ៖
១.ត្រួតពិនិត្យមុននឹងទិញ
ពេលទិញសូមកុំសម្លឹងតែម៉ាកយីហោណាល្បីៗហើយស្អាតៗ ត្រូវមើលពីសភាពលក្ខណៈរបស់អាវ ឬខោ ថាវាអាចឆាប់ដាច់រហែក ជាផ្ទាំងឬអត់ ?បើចំណាយលុយទិញរបស់ត្រូវចិត្ត ប៉ុន្តែពាក់បាន ២ ទៅ ៣ ថ្ងៃ ដាច់រហែក ឆាប់ហើរពណ៌ គួរតែទិញរបស់ថ្មីហើយពាក់បានយូរទៀងផង ។
២.សាច់ក្រណាត់
សម្រាប់សាច់ក្រណាត់ ដែលបែកព្រុយ ហើយពិបាក់ក្នុងការអ៊ុត គួរកុំទិញឲ្យសោះ វាអាចនឹងចំណាយលុយឥតប្រយោជន៍ ។
៣.អាយុកាលរបស់ខោអាវ
បើសិនជាចង់ដឹងនូវ ខោអាវ ដែលចង់ទិញនោះមានអាយុកាលប៉ុន្មានឆ្មាំ ឬខែហើយនោះ ត្រុវមើលពីសាច់ក្រណាត់ និង កអាវ ដៃអាវ ឬ ជើងខោ និងចង្កេះ ខោ ។ បើសិនជាវាមានស្នាមក្អែល ឬមួយ ចេញព្រុយជើងខោ នឹងចំណាយលុយចោលទទេហើយ ។
៤.តម្លៃ
ទោះបីវាជាខោអាវជជុះមែនពិតតែ មិនមែនមានន័យថា ខោអាវជជុះសុទ្ឋតែថោកនោះទេ គឺវាអាស្រ័យលើសាច់ក្រណាត់ ថ្នេរ សភាពលក្ខណៈ និងភាពពេញនិយមតែប៉ុណ្ណោះ។ហើយមិនប្រាកដថារបស់ល្អអាចប្រើបានយូរនោះទេ បើសិនជាយើងទិញរបស់ល្អមួយទឹក ឬរបស់ស្អយីហោក្លែងក្លាយ ៕
ដោយៈ បុរសដំណឹង
មតិយោបល់