អ្នកដឹកនាំរឿង លោក Tony Scott បានទទួលមរណៈភាព កាលពីថ្ងៃអាទិត្យម្សិលមិញនេះ បន្ទាប់ពីគាត់បានលោតសម្លាប់ខ្លួនពីលើស្ពាន មួយកន្លែងនៅក្នុងរដ្ឋឡូអេនជើឡេស សហរដ្ឋអាមរិក។

Tony Scott វ័យ ៦៨ឆ្នាំ បានសម្រេចចិត្តធ្វើអត្តឃាតដោយលោតពីលើស្ពាន Vincent Thomas Bridge ក្នុងការធ្វើអត្តឃាតនេះប៉ូលីសដែលនៅក្នុងហេតុការណ៍នេះ មិនអាចហាមឃាតបានទេ ត្រឹមតែបានមើលការធ្វើអត្តឃាតនេះតែប៉ុណ្ណោះ។

អ្នកដឹកនាំរឿងសញ្ជាតិអង់គ្លេស ដែលត្រូវជាបងប្រុស Sir Ridley Scott បានផលិតនឹងដឹកនាំរឿងល្បី ក្នុងនោះមានស្នាដៃរឿងជាច្រើននៅក្នុងពិភពហូលីវ៉ូត រួមមាន Top Gun, Days of Thunder, Beverly Hills Cop II និងរឿង True Romance ។

តារាៗហើយនឹងមិត្តរបស់ Tony Scott ជាច្រើនបានបង្ហាញទឹកចិត្តរបស់គេនៅលើធ្វីត ដោយសោកស្តាយលើទឹកដៃ ដឹកនាំរឿង និងភាពប៉ិនប្រសប់របស់លោក ក្នុងការធ្វើខ្សែភាពយន្តកន្លងមក៕