ប្រភពព័ត៌មានបានឲ្យដឹងថា តារាចម្រៀង Louis Tomlinson ត្រូវបានប៉ូលីសឃាត់ខ្លួនពីករណីបំពានលើការបើកបរ ដោយប្រើល្បឿនហួសកំណត់កាលពីចុងសប្តាហ៍កន្លងមកនេះ។

តារាវ័យ ២០ ឆ្នាំ របស់ក្រុម One Direction បានធ្វើដំណើរលើដងផ្លូវយ៉ាងលឿនដើម្បីទៅកាន់កម្មវិធី V Festival នៅ Chelmsford ដោយល្បឿន 48mph ដែលខុសនឹងច្បាប់របស់តំបន់តែ 40mph តែប៉ុណ្ណោះ នេះបើយោងតាមសម្តីរបស់ប្រភពព័ត៌មាន The Sun។

ម្ចាស់បទ ‘What Makes You Beautiful’ ត្រូវបានពិន័យលើបីករណីដែលបំពាននឹងច្បាប់បើបរ ដោយទំហំទឹកប្រាក់ £80 ។

ប្រភពព័ត៌មានបានបន្តថា ឥឡូវតារាចម្រៀង Louis Tomlinson បើបរដូចជាមានលក្ខណៈប្រយ័ត្នណាស់ តាំងពីប៉ូលីសពិន័យ ៣ ករណីមក នឹងត្រូវបានប៉ូលីសដកហូតយកប័ណ្ណបើកបរនោះ៕