Gangnam Style ក្បាច់រាំជើងសេះ បានធ្វើឲ្យលោក PSY ដែលជាម្ចាស់បទ លេចមុខនៅលើឆាកសិល្បយ៉ាងមានប្រជាប្រិយភាព។

ស្របពេលដែលប្រជាប្រិយភាពរបស់លោក PSY កំពុងតែឡើងកូដជាលំដាប់នេះ ក៏លេចឮនូវពាក្យរិៈគន់ និងពាក្យចចរាមអារ៉ាមជាច្រើនពាក់ព័ន្ធនឹងរឿងអាស្រូវរបស់លោកផងដែរ ដោយកាលពីថ្មីៗនេះ លោក PSY ត្រូវបានសារព័ត៌មានក្នុងស្រុកមួយបានចុះផ្សាយថា ក្បាច់រាំជើងសេះ Gangnam Style ដែលធ្វើឲ្យលោកល្បីឈ្មោះនេះ គឺត្រូវបានលួចចម្លងពីមិត្តភ័ក្តិជិតស្និទ្ធរបស់លោកគឺ Kim Jang Hoon ប៉ុន្តែក្រោយមកក៏មានការបំភ្លឺទើបធ្វើឲ្យរឿងនេះស្ងប់ស្ងាតទៅវិញ។ ក្រោយមកទៀត លោក PSY ត្រូវបានក្រុមអ្នកប្រមាញរូបថត ថតបានរូបលោកជក់បារីនៅកន្លែងហាមឃាត់ នៅក្នុងទីក្រុង តូរ៉ុនតូ ប្រទេសកាណាដា។ នៅមិនទាន់អស់នោះទេ លោក PSY ត្រូវបានមហាជនជាច្រើនរិៈគន់ ទៅលើការរាំផឹកស្រានៅឆាក ខណៈពេលកំពុងសម្ដែងនៅក្នុងទីក្រុងសេអ៊ូល ដែលមានមហាជនប្រមាណជា ៨ម៉ឺននាក់កំពុងទស្សនាការសម្ដែង។

ប៉ុណ្ណឹង មិនបានធ្វើឲ្យកេរ្ដិ៍របស់លោក PSY ធ្លាក់ចុះ ឬក៏បាត់បង់ប្រជាប្រិយភាពនោះទេ តែថ្មីៗនេះ មានលេចឮនូវព័ត៌មានមកថា លោក PSY បានមានទំនាក់ទំនងស្នេហាលួចលាក់ជាមួយនឹងតារាចម្រៀងសាច់សខ្ចីរបស់ក្រុម Girls Generations គឺនាង YoonA។ ជុំវិញព័ត៌មានស្នេហាលួចលាក់តារាចម្រៀងកូនពីរ និងស្រីស្រស់សោភានេះ ត្រូវបានច្រានចោលដោយអ្នកនាំពាក្យរបស់ SM Town ដោយចាត់ទុកព៏ត៌មាននោះជាព័ត៌មានមិនពិត។

បើទោះជាយ៉ាងនេះក្ដី ក៏ព័ត៌មានចចាមអារ៉ាមមួយនេះ បានក្លាយជាប្រធានបទក្ដៅកគុក ដែលទាក់ទាញអារម្មណ៍អ្នកតាមដាន និងអ្នកគាំទ្រតារាទាំងពីរដួងនេះមិនដាច់ រហូតដល់ព័ត៌មានស្នេហាលួចលាក់នេះ បានត្រូវបានជាប់ចំណាត់ថ្នាក់កំពូល ដែលមានចំនួនអ្នកទស្សនា និង Share ច្រើនជាងគេ។ជាក់ស្ដែង Allkpop បានផ្ដល់នូវចំណាត់ថ្នាក់ ព័ត៌មានអាស្រូវមួយនេះ ជាប់លេខមួយក្នុងចំណោមព័ត៌មាននានាក្នុងសប្ដាហ៍នេះ៕