ម្ចាស់បទចម្រៀង ‘Rolling In the Deep’នាង Adele បានប្រកាសនៅពេលថ្មីៗនេះថា ឈ្មោះកូនប្រុសរបស់នាង នឹងមិនបង្ហើបឲ្យដឹងឡើយ។
នៅក្នុងកម្មវីធី Golden Globe Awards កាលពីថ្ងៃទី ១៣ ខែ មករា ឆ្នាំ ២០១៣កន្លងទៅថ្មីៗនេះ តារាចម្រៀងមុខស្រស់រូបនេះ បានទទួលពានរង្វាន់ពីកម្មវិធីខាងលើ ចំពោះបទចម្រៀងដែលមាននៅក្នុងរឿង Skyfall ក្រោមចំណងជើងថា “Skyfall”។
វត្តមានក្រោយការឈ្នះពានរង្វាន់ តារាចម្រៀងរូបនេះបានបង្ហាញគំនិតដល់អ្នកសារព័ត៌មានជាច្រើននៅទីនោះថា ចំពោះឈ្មោះកូនរបស់នាង នាងនឹងមិនប្រាប់ឲ្យដឹងនោះទេ ខណៈពេលនេះ ព្រោះថាវាជារឿងបុគ្គល។
គួរបញ្ជាក់ផងដែរ Adele និងមិត្តប្រុសរបស់ខ្លួន Simon Konecki បានស្វាគមន៍កូនប្រុសដំបូងរបស់ពួកគេកាលពីខែ តុលា ឆ្នាំ ២០១២ កន្ងងទៅ តែទល់នឹងពេលនេះគ្មាននរណាម្នាក់អាចដឹងពីឈ្មោះដ៏អាថ៌កំបាំងរបស់កូននាងឡើយ៕
មតិយោបល់