រឿង Armageddon ដែលបកប្រែជាភាសាខ្មែរថា “សង្គ្រាមលោក”គឺជារឿងបែបវិទ្យាសាស្ត្រមួយរបស់អាមេរិកដែលផលិតឡើងកាលពីឆ្នាំ ១៩៩៨ ដឹកនាំដោយ លោក Michael Bayផលិតដោយ Jerry Bruckheimer និងចេញផ្សាយដោយ Touchstone Pictures របស់ក្រុមហ៊ុន Disney ។រឿងនេះគឺជារឿងមួយដែលផលិតឡើងនិយាយពីក្រុម វិទ្យាសាស្រ អង្គការ Nasa ដែលប្រឆាំងជាមួយនឹងផ្កាយព្រះគ្រោះដែលបង្ករឲ្យផែនដី រលាយ ដែលយើងរាល់គ្នានិយាយថា ទីអវសាន្តនៃផែនដីនោះ។
រឿងសង្គ្រាមលោកនេះ ចូលរួមសម្តែងដោយតួអង្គល្បីៗរួមមាន Bruce Willis, Ben Affleck, Billy Bob Thornton, Liv Tyler, Owen Wilson, Will Patton, Peter Stormare, William Fichtner, Michael Clarke Duncan, Keith David និង Steve Buscemi និងមានតារាកិត្តិយសផ្សេងៗទៀត។
Armageddon បានបើកទំព័ររោងកុនរហូតដល់ទៅ ២ខែ កន្លះ បន្ទាប់ពីរឿងដែលមានលក្ខណៈប្រហែលគ្នាក្រោមចំណងជើងថា Deep Impact ជាមួយនឹងតារាសម្តែង Robert Duvall និង Morgan Freeman ។រឿងសង្គ្រាមលោកនេះក៏ជាប់ចំណាត់ថ្នាក់ល្អនៅ Box Office ផងដែរ។
រឿងសង្គ្រាមលោកនេះគឺជារឿងដែលឆ្លុះបញ្ចាំងពីភាពអវសាន្តរបស់ផែនដី ដែលមនុស្សគ្រប់គ្នាកំពុងគិតថា ផែនដីនិងរលាយនៅឆ្នាំ 2012 តែផ្ទុយមកវិញ កាលពីថ្ងៃទី ១៥ ខែ កុម្ភៈ ឆ្នាំ ២០១៣ កន្លងទៅនេះ នៅប្រទេសរុស្ស៊ី មានដុំផ្កាយព្រះគ្រោះដែលមានទម្ងន់ ប្រហែល ៧.០០០ តោន បានធ្លាក់មកលើប្រទេសនេះ ដែលបណ្តាលឲ្យមនុស្សជាង ១២០០ នាក់បានរងគ្រោះថ្នាក់ ។ចំពោះហេតុការណ៍ដ៏កម្ររនេះ ត្រូវបានមនុស្សជាច្រើនគិតថា វាជាសញ្ញាមួយដែលបង្ហាញពីភាពអវសាន្តនៃភពផែនដី ដែលអាចនឹងកើតនៅឆ្នាំ ២០១៣ នេះ ឬយ៉ាងណា?៕
ទស្សនាវីដេអូរឿង Armageddon ដូចខាងក្រោមនេះ៖
មតិយោបល់