កាលពីថ្ងៃទី ២៥ ខែ មិនា ម្សិលមិញនេះ ខាងទំព័រព័ត៌មានរបស់កូរ៉េបានបង្ហាញព័ត៌មានឲ្យដឹងថា តារាចម្រៀង Onew ដែលជាប្រធានក្រុមរបស់ក្រុម SHINee កំពុងមានទំនាក់ទំនងស្នេហាលួចលាក់ជាមួយនិង នាង Jungah តារាចម្រៀងរបស់ក្រុម After School ។
ជាមួយនិងព័ត៌មានដ៏រសើបនេះដែរ អ្នកលេងនៅលើបណ្តាញអនឡាញមានការចាប់អារម្មណ៍យ៉ាងខ្លាំង ជាមួយនិងរូបភាពជាច្រើនសន្លឹកដែលបានបង្ហាញដោយទំព័រព័ត៌មានកូរ៉េ។
ទោះបីជាយ៉ាងណាក៏ដោយ ចំពោះព័ត៌មានខ្សឹបខ្សៀវនេះដែរ ភ្នាក់ងាររបស់ផលិតកម្មទាំងពីរ រួមមាន SM Entertainment និង Pledis Entertainment បានធ្វើការបញ្ជាក់ចំពោះព័ត៌មានមួយនេះ ដោយនិយាយថា “សម្រាប់អ្នកទាំងពីរទំនាក់ទំនងរបស់គេគ្រាន់តែជាមិត្តភក្តិល្អ តែប៉ុណ្ណោះ មិនដល់ថ្នាក់ស៊ីជម្រៅដល់ភាពផ្អែមល្អែមរឿងរ៉ាវស្នេហានោះទេ”៕
មតិយោបល់