ការស្រឡាញ់ភេទដូចគ្នា ជាទង្វើរមួយដែលខុសនឹងច្បាប់ធម្មជាតិ ជាពិសេសមនុស្សភាគច្រើនមិនទទូលស្គាល់ ព្រមទាំងស្អប់ខ្ពើមថែមទៀតផង។
ប៉ុន្តែនាពេលបច្ចុប្បន្ននេះ មានប្រទេសជាច្រើនបានចេញច្បាប់អនុញ្ញាតឲ្យគូស្នេហ៍ដែលស្រឡាញ់ភេទដូចគ្នា អាចរៀបការបាន ហើយខាងក្រោមនេះ ជាតារាហូលីវ៉ូតល្បីៗដែលគាំទ្រឲ្យមនុស្សស្រឡាញ់ភេទដូចគ្នារៀបការ៖
1. តារាចម្រៀងស្រីដែលល្បីល្បាញ Madonna
នាងបាននិយាយថា “ខ្ញុំមិនដឹងថា អ្នកគិតយ៉ាងណានោះទេ ប៉ុន្តែសម្រាប់ខ្ញុំ គាំទ្រជានិច្ច ព្រោះថានេះជាការផ្ដល់នូវយុទ្ធធម៌មួយដល់ពួកគេ”។
2. តារាចម្រៀង Christina Aguilera
នាងបាននិយាយថា “វាមិនស្នើភាពគ្នានោះទេក្នុងការហាមឃាត់ពួកគេមិនឲ្យស្រឡាញ់គ្នានោះ អ្វីដែលគេធ្វើជាសុភមង្គលរបស់គេ បើយើងមិនបានជួយផ្ដល់សេចក្ដីសុខឲ្យគេ យើងគួរណាស់តែកុំរារាំង”។
3. នាង Kim Kardashian
នាងបាននិយាយថា “ខ្ញុំគាំទ្រនូវសម្ដីរបស់លោកប្រធានាធិបតីអាមេរិក បារ៉ាក់ អូបាមា ដោយលោកបានប្រកាសគាំទ្រ នូវអាពាហ័ពិពាហ៍ មនុស្សភេទដូចគ្នា”។
4. តារាចម្រៀងដែលចូលចិត្តលេងម៉ូដប្លែកៗ Lady Gaga
នាងបាននិយាយថា “ខ្ញុំចូលចិត្តមនុស្សស្រឡាញ់ភេទដូចគ្នា វាគឺជាសេរីភាព ព្រោះថាពួកគេក៏ជាមនុស្សផងដែរ”។
5. តារាសម្ដែងប្រុសស្អាតទី១នៅក្នុងពិភពហូលីវ៉ូត Brad Pitt
លោកបាននិយាយថា “អាមេរិកគ្រប់រូបមានសិទ្ធិក្នុងការជ្រើសរើសគូស្រករ ដែលពួកគេស្រឡាញ់ ហើយថ្ងៃណាមួយអ្នកនឹងយល់នូវទឹកចិត្តរបស់ពួកគេ”។
6. តារាចម្រៀងស្រី Britney Spears
នាងបាននិយាយថា “ស្រឡាញ់គឺស្រឡាញ់ គ្រប់គ្នាគួរតែផ្ដល់សិទ្ធិសម្រាប់ពួកគេក្នុងការជ្រើសរើសនូវសេចក្ដីខុស”។
7. តារាសម្ដែង Ben Affleck
លោកបាននិយាយថា “វាគួរឲ្យស្ដាយ ប្រសិនបើអ្នកស្រឡាញ់ភេទដូចគ្នា មិនបានរៀបការជាមួយគ្នា ប៉ុន្តែថ្ងៃណាមួយ អ្នកដែលមិនគាំទ្រ នឹងយល់នូវអារម្មណ៍មនុស្សស្រឡាញ់ភេទដូចគ្នា”។
8. តារាចម្រៀងរ៉េប Jay-Z
លោកបាននិយាយថា “ខ្ញុំគិតថា មនុស្សគ្រប់រូប មានសិទ្ធិក្នុងការជ្រើសរើសមនុស្សដែលគេស្រឡាញ់ ហើយខ្ញុំគាំទ្រមនុស្សស្រឡាញ់ភេទដូចគ្នាជានិច្ច”៕
មតិយោបល់