ប្រភេទរឿងថ្មីលក្ខណៈ 3D ក្រោមចំណងជើងថា Switch <天机·富春山居图> ដែលសម្តែងដោយ តារាសម្តែងជើងចាស់ Andy Lau (劉德華), Chiling Lin (林志玲), Zhang Jingchu (張靜初), និង Tong Dawei (佟大為) នឹងបង្ហាញខ្លួនលើផ្ទាំងក្រណាត់ស នៅប្រទេសចិន នៅថ្ងៃទី ៩ ខែ មិថុនា ឆ្នាំ ២០០១៣ ខាងមុខនេះ។
ទោះបីជាពេលនេះ គឺមានរយៈពេលជាង ២ ខែ ទៅហើយ ដែលវីដេអូចម្រៀង និងចម្រៀងជាគោលរឿង ក្រោមចំណងជើងថា “Secret” ដែលច្រៀងដោយ Magic Power (MP魔幻力量) និង Ashin Chen (陳信宏) មកពី Mayday បានបង្ហោះតាមរយៈអនឡាញ ដោយវីដេអូចម្រៀងនេះ ត្រូវដាក់នៅក្នុងរឿង Switch។
បទចម្រៀងដែលដាក់នៅក្នុងសាច់រឿង Switch ជាវីដេអូចម្រៀងដែលធ្វើការពិពណ៌នា សេចក្តីស្រលាញ់ និងស្អប់ រវាងបុរស បួននាក់ ដែលមាននៅក្នុងសាច់រឿង ជាមួយនិងចង្វាក់ចម្រៀងយ៉ាងញាប់ញ័រ។
ក្នុងសាច់រឿង និងចម្រៀងនេះដែរ ក៏មានតារាស្រីជើងចាស់ Siqin Gaowa (斯琴高娃) ហើយក៏ជាវីដេអូចម្រៀងពិពណ៌នារឿងដែលទទួលបានការចាប់អារម្មណ៍ពីសំណាក់អ្នកលេងលើបណ្តាញអនឡាញផងដែរ។
រឿងនេះដែរតម្រូវឲ្យ Andy Lau និងប្រពន្ធរបស់ខ្លួននៅក្នុងសាច់រឿងធ្វើការការពារ សម្បត្តិរតនះជាតិដ៏មានតម្លៃរបស់ចិន ពោលគឺជាផ្ទាំងគំនូរ “Fuchun Mountains” ពីដៃពួកម៉ាហ្វ៊ីយ៉ា ជប៉ុន៕
ទស្សនាវីដេអូចម្រៀងដូចខាងក្រោមនេះ៖
មតិយោបល់