ថ្មីៗនេះដែរ នៅលើទំព័រ បណ្តាញទំនាក់ទំនងសង្គមហ្វេសប៊ុក របស់កវី និពន្ធ យឹម តាស្រង់ ដែលជាកវីឆ្នើម របស់ផលិតកម្ម ថោននោះ បាន ធ្វើការ Wall Post ឲ្យដឹងថា “នាយពែកមី ដែលជាតារាកំប្លែងដ៏ល្បីល្បាញ ក្នុងយុគសម័យនេះ នឹងបញ្ឈប់ការថតខ្សែភាពយន្តឲ្យផលិតកម្ម ដទៃទៀត គឺថតខ្សែភាពយន្ត និងបទចម្រៀងឲ្យ ផលិតកម្ម ថោនតែមួយគត់”។
https://i1272.photobucket.com/albums/y389/domneng/543337_270340979759390_594246807_n_zpsf0750dd3.jpg
តារាកំប្លែងនាយពែកមី ឆ្នាំ ថ្មីនេះដែរកាន់តែជ្រោងបានប្រជាប្រិយភាព លើសលប់ ក្រៅពីកំប្លែង នៅមានបទចម្រៀង ក្រោមចំណងជើងថា “ឲ្យប្រពន្ធស៊ីសៀង ឲ្យនាងស៊ីស៊ុប” និងបទ” ប្រុសអីហៅស្រីផឹក ” ដែលកក្រើកមុនចូលឆ្នាំថ្មី កន្លងប៉ុន្មានថ្ងៃមកនេះ។
តែទោះជាយ៉ាងណា ខាងគេហទំព័រ ដំណឹង បានព្យាយាមទាក់ទងទៅតារាកំប្លែងរូបនេះដើម្បីស្រាយបំភ្លឺ តាមរយៈលេខ ០៩៧ ដែលតារាកំប្លែងនេះប្រើ តែខលមិនចូល ។សម្តីរបស់កវីនិពន្ធ យឹម តាស្រង់ ដែលបានបង្ហាញនេះគឺសរបញ្ជាក់ល្មមថា តារាកំប្លែងរូបនេះ ពិតជាឈប់ទទួលយកការងារខាងក្រៅ។
ប្រការនេះដែរ មហាជនជាច្រើនបានគិតថា ប្រហែលជា ផលិតកម្ម ថោន ជះទឹកលុយ ឲ្យតារាកំប្លែងរូបនេះហូរហៀរហើយមើលទៅ បានជាតារាកំប្លែងរូបនេះ បញ្ឃប់ការទទួលការងារក្រៅពីផលិតកម្មក្រៅ៕
មតិយោបល់