អ្នកលេងនៅក្នុងសង្គមហ្វេសប៊ុកជាច្រើនកំពុងធ្វើការវែកញែក បណ្តាផលិតកម្ម ក្នុងស្រុកខ្មែរ ចម្លងបទពីប្រទេសជិតខាង ដែលធ្វើឲ្យសង្គមហ្វេសប៊ុកទាំងមូលរងការរង្គោះរង្គើរ បញ្ចេញមតិប្រឆាំងគ្រប់ៗគ្នាចំពោះវប្បធម៌ចម្លងពីបរទេសនេះ។
នៅពេលថ្មីៗនេះដែរ អ្នកលេងសង្គមហ្វេសប៊ុកមួយចំនួន បានធ្វើការប្រមូលផ្តុំអ្នកនិពន្ធផលិតកម្ម ៣ ក្នុងស្រុកខ្មែរ ក្នុងនោះរួមមាន ហង្សមាស ផលិតកម្ម ថោន ផលិតកម្ម សាន់ដេ និងចុងក្រោយផលិតកម្ម កូនពៅហង្សមាស ភ្លេងរីខដស៍ ។ក្នុងការប្រមូលផ្តុំនេះ គេបានសរសេរក្រោមរូបភាពថា “សូមបញ្ឈប់ការចម្លង បទចម្រៀងពី ថៃ យួន និង កូរ៉េ ទៀតទៅកូនខ្មែរ” ពាក្យពេចន៍ទាំងនេះមាននៅលើ ទំព័រ I Love Cambodia Hot News ។ ជុំវិញនៃការសេរសេរបែបនេះ បានធ្វើឲ្យ កវី និពន្ធ លី ស៊ីនហួន រងការប្រតិកម្មយ៉ាងខ្លាំង ដោយសរសេរថា ឲ្យម្ចាស់ទំព័រ ហ្វេសប៊ុកខាងលើ ដោយគ្នាមិនយល់ ទើបចេះតែសរសេរទៅ ។ជាមួយនឹងពាក្យសម្តីទាំងនេះ លោកក៏បានផ្តល់លេខទូរស័ព្ទ ៣ ខ្សែ ឲ្យខលមករកលោកបើសិន ជាឆ្ងល់រឿងនេះអាចសួរលោកបាន។
សម្តីខាងលើរបស់កវីនិព្ធ លី ស៊ីនហួន ខាងលើ ហាក់បីដូចជាចង់បញ្ជាក់ថា លោកមិនបានចម្លងពីយួន ថៃ កូរ៉េ និងចិននោះទេ ។ទន្ទឹមនឹងនេះនរណាក៏បានដឹង ជាពិសេសអ្នកលេងក្នុងសង្គមហ្វេសប៊ុកដោយទទួលស្គាល់ថា បទចម្រៀងមួយចំនួនធំរបស់ហង្សមាស ផលិតកម្ម ថោន និង ផលិតកម្មសាន់ដេ មួយរយៈចុងក្រោយច្រើនតែយកមកពីវៀតណាម និងបណ្តាប្រទេសផ្សេងៗទៀត ជាពិសេសក្នុងតំបន់អាស៊ីតែម្តង។
លោក ភីរុណ ដែលជាអ្នកធ្វើការក្នុងស្ថាប័នឯកជនមួយកន្លែង ហើយក៏ជាអ្នកនិយមស្តាប់បទចម្រៀងមួយរូប លោកបាននិយាយថា “លោកពិតជាយល់ច្បាស់ណាស់ចំពោះសម្តីរបស់កវី លី ស៊ីនហួន ដែលចង់ឲ្យគេខលទៅដើម្បីបញ្ជាក់ថា ខ្លួនមិនបានចម្លងពីគេនោះ ពោលគឺមានន័យថា លោកនិពន្ធទំនុកច្រៀង មិនមែននិពន្ធបទភ្លេងនោះទេ ក្នុងករណីនេះមហាជនដែលគាំទ្រវិស័យចម្រៀងនរណាមិនដឹងនោះ។ លោកបានបន្តទៀតថា ដំរីងាប់ មិនអាចយកចង្អេរ បាំងជិតនោះទេ បើយើងមិនធ្វើផងខ្លាចអីនឹងគេរិះគន់ទៅ”។លោក ភីរុណ បានបន្តថា រឿងរ៉ាវខាងលើ លោកក៏មិនអាចបន្ទោសលើ អ្នកនិពន្ធទាំងស្រុងបានទេ ព្រោះថា ពួកគាត់ធ្វើការក្រោមដំបូលគេ បើគេបញ្ជាឲ្យធ្វើអ្វី ធ្វើហ្នឹងហើយ ។ទោះបីជាធ្វើការក្រោមដំបូលគេមែនពិត ក្នុងនាមជាកវីនិពន្ធចម្រៀង គួរតែអាចធ្វើសាច់ភ្លេងថ្មី រួមទាំងទំនុកច្រៀងដែលមិនបកប្រែពីគេ(តិចតូច) នោះជាការប្រសើរសម្រាប់សង្គមខ្មែរទាំងមូល។
យ៉ាងណាមិញ ក្នុងចំណោមកវីនិពន្ធ ដែលខាងអ្នកលេងបណ្តាញសង្គមហ្វេសប៊ុកប្រមូលផ្តុំយកមកកាត់តក្រៅពីលោក លី ស៊ីនហួន គឺមានអ្នកនិពន្ធ សុខ ជំនោរ សុខ ចាន់ផល ប៊ុន ចាន់និមល សោម ដូរ៉េ យឹម តាស្រង់ និងខេមរៈ ដារា មិនបានបញ្ចេញមតិឬកំហឹងតបនឹងម្ចាស់គណនីដែលបានបង្ហោះរូបភាពប្រមូលផ្តុំកវិនិពន្ធ និងសេសេរមួយបន្ទាត់ខាងក្រោមរូបភាពលើទំព័ររបស់គេឡើយ ។ក្នុងករណីនេះប្រហែលជាពួកគាត់យល់ស្រប និងដឹងខ្លួនឯងច្បាស់ថាខ្លួនកំពុងធ្វើបែបនេះមែន៕
ទស្សនាបទចម្រៀង អូនថាអាណិត ដែលនិពន្ធទំនុកច្រៀងដោយ លោក លី ស៊ីនហួន៖
បទវៀតណាម ដែលយកកាយវិការចម្រៀងថៃ មកដាក់៖
https://i1272.photobucket.com/albums/y389/domneng/Lee/285379_494360563955109_2147033911_n_zpsabeb513d.jpg
https://i1272.photobucket.com/albums/y389/domneng/Lee/10900_494359743955191_1290338681_n_zps9dd363cc.jpg
https://i1272.photobucket.com/albums/y389/domneng/2013-05-16_080956_zps8b3d113d.jpg
មតិយោបល់