តារាចម្រៀងស្រីដែលយើងទទួលស្គាល់ថា មានទឹកដមសំនៀងស្រួស្រះដូចសារិកាកាលពីប៉ុន្មានឆ្នាំមុននេះ នាងពៅ បញ្ញាពេជ្រ នៅពេលថ្មីៗនេះបានវិលវិញតាមសន្យាជាមួយនឹងអ្នកគាំទ្ររបស់ខ្លួនលើបណ្តាញហ្វេសប៊ុក ដែលបានសន្យាថានឹងបកស្រាយចម្រៀងជាលើកទី ២ចែកចែកជូនប្រិយមិត្តហ្វេសប៊ុករបស់ខ្លួននោះ។
នៅលើ Wall Post បណ្តាញទំនាក់ទំនងសង្គមហ្វេសប៊ុក របស់ នាង ពៅ បញ្ញាពេជ្រ គេសង្កេតឃើញនាងបានបង្ហោះវិដេអូចម្រៀង ចែកជូនដល់ប្រិយមិត្តរបស់ខ្លួន ហើយក៏ជាវីដេអូចម្រៀង ទី ២ របស់នាង ដើម្បីបំពេញតាមពាក្យណាត់នោះ។លើ Wall Post នាងបានសរសេរថា “នៅថ្ងៃនេះដែរ នាងខ្ញុំមានទឹកចិត្តរីករាយណាស់ ជូនចម្រៀង ៣ បទ តែអត់មានភ្លេងនោះទេ បងប្អូនប្រាកដជាឆ្ងល់ថា ហេតុអ្វីមិនច្រៀងជាមួយនឹងភ្លេងទៅ? តែនេះនាងខ្ញុំហាត់ច្រៀងដើម្បីសម្រួលដង្ហើមនោះទេ ដូចនេះសូមបងប្អូនទីឆ្ងាយជិតទទួលយកការសណ្តាប់ពីនាងខ្ញុំ ពី ពៅ បញ្ញាពេជ្រ”។
ក្នុងចំណោមបទចម្រៀងដែលស្រីស្រស់បង្ហើរសំនៀង ស្ថិតក្នុងស្ថានភាពពិការនេះ មានបទចម្រៀង ក្រោមចំណងជើងថា “ចង់នៅលើមេឃ” បទ”យំអស់ទឹកភ្នែក” និងចុងក្រោយបទ “សំឡេងខ្លុយស្នេហ៍” ។តាមរយៈការបង្ហើរសំនៀងដ៏ស្រួយស្រះនេះ មានប្រិយមិត្តហ្វេសប៊ុករបស់នាងបានសរសើរចំពោះនាងថា ទឹកដមសំនៀងរបស់នាងនៅតែដដែល មិនចាញ់ការពីប៉ុន្មានឆ្នាំមុនឡើយ។
គួរបញ្ជាក់ផងដែរថា ពៅ បញ្ញាពេជ្រ បន្ទាប់ពីនាងហក់លោតក្នុងវិស័យសិល្បៈអស់រយៈពេល ៧ ឆ្នាំ បានធ្វើឲ្យកេរ្តិ៍ឈ្មោះរបស់នាងល្បីរន្ទឺ ដែលកាលនោះនាងច្រៀងនៅក្នុងផលិតកម្មរស្មីហង្សមាស ។ប៉ុន្តែជារឿងអកុសល នាងត្រូវបានក្រុមខ្មាន់កាំភ្លើង មិនស្គាល់អត្តសញ្ញាណប្រាញ់ប្រហារលើរូបនាងយ៉ាងឃោរឃៅ កាលពីថ្ងៃទី ២៣ ខែ កុម្ភៈ ឆ្នាំ ២០០៧ វេលាម៉ោង ៦ និង២០ នាទីព្រឹក ទល់មុខ សាលាឡែត ក្បែររបងឧស្សាហកម្ម រ៉ែ និងថាមពល បណ្តាលឲ្យតារារូបនេះទទួលរបួសយ៉ាងធ្ងន់ធ្ងរ ៕
ស្តាប់បទច្រៀងដូចខាងក្រោមនេះ ៖
https://i1272.photobucket.com/albums/y389/domneng/Pov%20Panha%20Pich/283780_309541142473004_1641838904_n_zps659abb81.jpg
https://i1272.photobucket.com/albums/y389/domneng/Pov%20Panha%20Pich/298641_150681818358938_378149756_n_zps5f3ad020.jpg
https://i1272.photobucket.com/albums/y389/domneng/Pov%20Panha%20Pich/547965_316963998397385_47411126_n_zpsd6de7f07.jpg
មតិយោបល់