យើងពិតជាមានមោទនៈភាពណាស់ ដែលកូនខ្មែរយើង បានបង្កើតវីដេអូជាស្នាដៃខ្មែរ ដោយនិយាយពីទង់ជាតិខ្មែរ។
វីដេអូចម្រៀងមួយដែលនិយាយពី “ទង់ជាតិខ្មែរ” ដែលត្រូវបានគេបង្ហោះនៅលើបណ្តាញទំនាក់ទំនងសង្គមហ្វេសប៊ុក និងមានចំនួនអ្នកចែករំលែក និងចុច ចូលចិត្ត (Like ) យ៉ាងច្រើនសន្ធឹកត្រូវបាគេដឹងថាជា វីដេអូ ចម្រៀងដែលបានបង្កើតឡើងដោយកូនខ្មែរ មួយក្រុម តែយើងមិនដឹងថាពួកគាត់ធ្វើអ្វី និងរៀននៅទីណានោះទេ?។
ជាមួយនឹងបទភ្លេងយ៉ាងអន្លងអន្លោច ដែលបរិយាយល្អឥតខ្ជោះ ជាមួយនឹងទំនុកសាសព្ទ ដែលស្តាប់ហើយស្ទើរតែចង់ស្រក់ទឹកភ្នែកនោះ ឯកឧត្តម ជា ចំរើន បានប្រកាសនៅលើ Wall Post របស់ខ្លួនថា “ជូនរង្វាន់ ១ លានរៀល ដល់ក្រុមយុវជនដែលបានផលិតបទ ទង់ជាតិខ្មែរ”។ ឯកឧត្តមបានបន្តដោយសំនួរសួររកមុខ តើពួកគេជានរណា? ជួយផ្តល់ដំណឹងដល់ពួកគេផង និងជួយចែករំលែកដើម្បីគាំទ្រស្នាដៃយុវជនខ្មែរ។
នេះជាលើកទី ១ ហើយដែលយុវជនខ្មែរមួយក្រុមនេះ បានបង្កើតស្នាដៃល្អ ឥតខ្ជោះរញ្ជួយដល់សង្គមហ្វេសប៊ុក នៅក្នុងប្រទេស្មខែរ និងសង្គមខ្មែរទាំងមូលផងដែរ។ អ្វីដែលពិសេសអស្ចារ្យនោះ គឺទទួលបានការសរសើរលើកទឹកចិត្តពីសំណាក់មន្ត្រីជួររដ្ឋាភិបាល ឯកឧត្តម ជា ចំរើន ដោយទំហំទឹកប្រាក់ ១ លានរៀល។
ក្រោពីនេះអ្នកលេងសង្គមហ្វេសប៊ុកផ្សេងទៀតបានសរសេរថា “មានមោទនៈភាពណាស់ចំពោះទេពកោសល្យកូនខ្មែរ សូមឲ្យព្រឹលឹងជាតិខ្មែរ ថែរក្សាបីបាច់អ្នកទាំងនោះ ឲ្យជួបតែពុទ្ធពរទាំងបួនប្រការ នេះគឺជាការ Comments ម្ចាស់គណនីឈ្មោះ Ban Srea”។ចំណែកម្ចាស់គណនី Sreypich Nhoek វិញ បាន Comments ថា “ពិរោះណាស់ស្តាប់ហើយធ្វើអោយខ្ងុំមានអារម្មណ៍រំភើប ស្ទើតែស្រក់ទឹកភ្នែក ស្តាប់ហើយចង់ស្តាប់ទៀត សង្ឃឹមថាកូនខ្មែរទាំងអស់នឹងគិតដូចអត្ថន័យក្នុងបទចំរៀងនេះ”។
ទោះបីជាយ៉ាងណា គេហទំព័រ ដំណឹង ក៏សូមចូលរួមសរសើរដោយអស់ពីដួងចិត្តចំពោះស្នាដៃកូនខ្មែរ ដែលបានបង្កើតបទ “ទង់ជាតិខ្មែរ” និងលើសពីនេះបានត្រឹមតែចូលរួមផ្សព្វផ្សាយដើម្បីឲ្យស្នាដៃខ្មែរមួយនេះល្បីរន្ទឺពេញសង្គមខ្មែរតែប៉ុណ្ណោះ។ សូមឲ្យកូនខ្មែរផ្សេងទៀតទៀតបង្កើតស្នាដៃខ្លួនដែលផុសចេញពីផ្នត់គំនិតខ្លួន ដោយមិនចម្លងពីជាតិសាសន៍ផ្សេង៕
ទស្សនាវីដេអូចម្រៀងដូចខាងក្រោមនេះ ៖
https://i1272.photobucket.com/albums/y389/domneng/3%20lady/CheaChomroeun_zpsc6d18795.jpg
https://i1272.photobucket.com/albums/y389/domneng/3%20lady/2013-06-06_210800_zpsd758dddf.jpg
មតិយោបល់