តារាចម្រៀងដែលកំពុងទទួលបានការចាប់អារម្មណ៍ពី ប្រិយមិត្តហ្វេប៊ុក ជាមួយនឹងការច្រៀង បង្ហើរសំនៀងតាមបណ្តាញទំនាក់ទំនងសង្គមមួយនេះ ច្បាមប្រជាប្រិយភាពមិនតិចនោះទេ ជាពិសេសទទួលបានការស្នើរសុំឲ្យច្រៀងពីបុរសនៅក្រៅស្រុក ជាច្រើនផងដែរតាមរយៈបទសម័យចាស់។
ទន្ទឹមជាមួយនឹងភាពល្បីមិនដាច់នេះដែរ ទោះនាងមិនឈរជើងជាមួយនឹងផលិតកម្មធំៗក្នុងស្រុកមែនពិត តែកេរ្តិ៍ឈ្មោះនាង កំពុងហក់លោត មិនចាញ់តារាចម្រៀងជួរមុខក្នុងផលិតកម្មធំៗប៉ុន្មាននោះទេ។ ថ្មីៗនេះដែរ ប្រភពព័ត៌មានមួយបានបង្ហើបឲ្យដឹងថា គង់ ចាន់រដ្ឋា កំពុងឈឺចាប់រឿងស្នេហាចាស់ តែក៏មានបុរសក្រៅស្រុកជាច្រើនសូមស្អំបេះដូង នាងលុបដានស្នេហ៍ចាស់ចោល ក្នុងរង្វង់សិល្បៈដូចគ្នា ។ប្រភពដដែលបានបង្ហើបឲ្យដឹងបន្តថា បុរសដែលចូលមកស្អំ បេះដូងរបស់នាង មិនចាញ់ ស្នេហ៍ចាស់ប៉ុន្មាននោះទេ ហើយជាអនិជនក្រៅប្រទេស។
ជួបជាមួយនឹង គង់ ចាន់រដ្ឋា តាមរយៈទូរស័ព្ទដៃនៅរសៀលនេះ ដែរនាងបានឲ្យដឹងថា “រឿងពាក្យចចាមអារាមនោះដែរ វាជារឿងពិត តែនាងសូមមិនបញ្ចេញឈ្មោះ ថាបុរសរូបនោះគេរស់នៅប្រទេសណា គ្រាន់តែដឹងថា ជាអនិកជនក្រៅស្រុកបានហើយ”។នាងបានបន្តឲ្យដឹងថា បុរសដែលរស់នៅក្រៅស្រុកនោះ មិនចាញ់បុរសក្នុងរង្វង់សិល្បៈដូចគ្នាប៉ុន្មានឡើយ តែទាស់តែពេលនេះ នាងមិនអាចប្រាប់បានទេ ព្រោះថារវាងនាង និងគេ ហាក់បីដូចជាមិនទាន់ប្រាកដប្រជានៅឡើយ។តែបើសិនជារឿងនេះប្រាកដប្រជា នាងមិនលាក់លៀមអ្វីទាំងអស់នឹងបង្ហាញមុខគូស្នេហ៍នេះឲ្យសាធាណៈជនបានដឹងតែម្តងថា បុរសដែលចូលស្អំបេះដូងនាង ស្អាតប៉ុណ្ណានោះ។
ក្រៅពីរឿងទាក់ទិននឹងអ្នកមកចូលស្អំបេះដូងនេះដែរ នាងបានប្រាប់ឲ្យដឹងថា នាងកំពុងត្រៀមចេញវ៉ុលថ្មីបែបសម័យថ្មី នៅក្នុងផលិតកម្ម បុប្ជា ដែលក្នុងនោះនាងបានថតចំនួន ៧ បទ រួចរាល់ហើយតែមិនដឹងថា ចេញទាំងព្រមឬក៏យ៉ាងណានោះទេ៕
https://i1272.photobucket.com/albums/y389/domneng/Ailya/KongChanrotha1_zpsbe21feaa.jpg
https://i1272.photobucket.com/albums/y389/domneng/Ailya/KongChanrotha4_zps050f77e7.jpg
https://i1272.photobucket.com/albums/y389/domneng/Ailya/KongChanrotha2_zpsd9ee4b8c.jpg
https://i1272.photobucket.com/albums/y389/domneng/Ailya/KongChanrotha7_zps0ecf4a86.jpg
https://i1272.photobucket.com/albums/y389/domneng/Ailya/KongChanrotha6_zpsf37773e8.jpg
https://i1272.photobucket.com/albums/y389/domneng/Ailya/KongChanrotha5_zps98e28cf7.jpg
https://i1272.photobucket.com/albums/y389/domneng/Ailya/KongChanrotha3_zpsdf0a264e.jpg
មតិយោបល់