ជាមួយនឹងអាលប៊ុមថ្មីរបស់ផលិតកម្មសាន់ដេ ដែលត្រូវបានគេដឹងថា ជាអាលប៊ុមស៊ីឌី ១៥៦ បានធ្វើឲ្យប្រិយមិត្តនៅលើបណ្តាញទំនាក់ទំនងសង្គមហ្វេសប៊ុក មានការភ្ញាក់ផ្អើល ព្រោះតែ ឃើញ វត្តមានរបស់ តារាចម្រៀង នីកូ ។មុននេះដែរ ព្យុះព័ត៌មានបានឲ្យដឹងថា នីកូ និងពេជ្រ សូលីកា ដឹកដៃគ្នាចូលផលិតកម្ម ថោន តែត្រូបានតារាចម្រៀងពីរដូងនេះ ធ្វើការច្រានចោលនូវព័ត៌មាននេះ ។បន្ទាប់ពីព័ត៌មាននេះដែរ នីកូ ស្ទើរតែបាត់មុខពីស៊ីឌី ដោយមិនដឹងថា ឈរជើងនៅផលិតកម្មណាមួយឡើយ ។ រំពេចជាមួយនឹងគ្នានេះដែរ ស្រាប់ពេលឃើញនីកូ អើតមុខឡើងក្រឡឺម នៅលើ គ្របស៊ីឌី ផលិតកម្ម សាន់ដេ ដោយមានចម្រៀងច្រៀងរហូតដល់ទៅ ៤ បទ ក្នុងនោះរួមមានបទ “ស្រាលាញ់គ្នាដើម្បីបែក” បទ “ហេតុអ្វីកុហកបង?” បទ “ខ្ញុំជាមនុស្សខូចចិត្ត” និងបទ “នឹកអូនពេលភ្លៀងធ្លាក់” ។
ប្រភពព័ត៌មានដែលកៀកស្និទ្ធនឹងតារាចម្រៀង នីកូ បានប្រាប់ឲ្យដឹងថា “តារាចម្រៀង នីកូ បានចូលសម្ងំច្រៀង ក្នុងផលិតកម្ម សាន់ដេ រាងយូរក្រែល ហើយ ពោលគឺក្រោយព្យុះព័ត៌មានដែលថា គាត់ចូលច្រៀងក្នុងផលិតកម្ម ថោន គ្រាន់តែខាងម្ចាស់ផលិតកម្ម មិនបានបង្ហាញមុខគាត់ជាសាធារណៈតែប៉ុណ្ណោះ”។
ចំណែកអ្នកលេងនៅលើបណ្តាញអនឡាញវិញ ធ្វើការសរសើរ និងអបអរដល់តារាចម្រៀងរូបនេះ ស្ទើគ្រប់ៗគ្នា និងមានអ្នកខ្លះចង់ស្តាប់សំនៀងក្នុងផលិតកម្មថ្មី ដែលនីកូចូលច្រៀងថា ពិរោះប៉ុណ្ណា ចេញលក់ពេលណាដែរ។
តែទោះជាយ៉ាងនេះក្តៅ គេនៅមិនទាន់សង្ឈឹមនៅឡើយថា តារាចម្រៀងរូបនេះអាចជ្រែកលេខរៀងឲ្យល្អបានវិញ នៅលើផលិតកម្មថ្មីនោះទេ ព្រោះថា ទ្រនំនេះមិនធម្មតាឡើយ ដោយមានតារាចម្រៀងល្បីៗជាច្រើន ក្នុងនោះមាន លោក ខេមរៈ សិរីមន្ត លោក ឆាយ វិរៈយុទ្ធ លោក ខាន់ ជែមស៍ លោក កែវ វាសនា និងតារាផ្សេងៗទៀត ។រំឭកពីមុន នីកូ ល្បីបទ “បង្ខំចិត្តបែក” ដែលសាងសងសំនៀងជាមួយនឹង តារាចម្រៀង ពេជ្រ សូលីកា តើបទទាំង ៤ ខាងលើនេះ អាចល្បីមួយណាដែរ ទេ នៅពេលដែលចេញលក់លើទីផ្សារនោះ ឬ ក៏មិនអាចក្តោបប្រជាប្រិយដូចទៅនឹងទ្រនំចាស់?៕
https://i1272.photobucket.com/albums/y389/domneng/Decore/Niko1_zps454a0b54.jpg
https://i1272.photobucket.com/albums/y389/domneng/Decore/Niko4_zpsa1db9f35.jpg
https://i1272.photobucket.com/albums/y389/domneng/Decore/Niko3_zps510c4a89.jpg
https://i1272.photobucket.com/albums/y389/domneng/Decore/Niko2_zpsff764125.jpg
https://i1272.photobucket.com/albums/y389/domneng/Decore/12057_427017580729688_702876696_n_zpsc4bb297d.jpg
ស្ដាប់បទចម្រៀង ហេតុអ្វីគេកុហកខ្ញុំ sunday cd vol 156 ខាងក្រោម៖
មតិយោបល់