ភ្នំពេញ: ជាការភ្ញាក់ផ្អើលណាស់ ដែល ឌុច លីដា បានប្រកាសថា នាងមានចម្ការពោតក្រហម នៅទឹកដីប៉ៃលិន និងប្រកាសឲ្យអ្នកគាំទ្រ ជួយគាំទ្រពោតក្រហមរបស់នាង ដែលកំពុងគ្មានទីផ្សារក្នុងស្រុក។
នៅរសៀលថ្ងៃទី៣០ ខែសីហា ឆ្នាំ២០១៦ ឌុច លីដា បានសរសេរនៅលើហ្វេសប៊ុកឲ្យដឹងថា«ខ្ញុំមានពោតផ្អែម (ពោតក្រហម) ដែលដាំនៅប៉ៃលិន សាច់ខ្ចីល្អ មិនប្រើគីមីដូចប្រទេសជិតខាងទេ ។ប៉ុន្តែគ្មានទីផ្សារនៅក្នុងស្រុកទេ ស្រុកថៃឲ្យតំលៃថោកពេក »។
តារាស្រីកំពុងមានទីផ្សារក្នុងស្រុកខាងលើ បានបន្តថា «បើខ្ញុំយកមកលក់នៅភ្នំពេញ តើបងប្អូនជួយគាំទ្រ កសិផលខ្មែរ ដែរទេ? សូមជួយកសិករខ្មែររយើងផងបើមិនចឹងទេពួកយើងគ្មានកម្លាំងដើរទៅមុខទៀតទេ។ សង្ឃឹមថាកម្ពុជាយើងនឹងមានទីផ្សារកសិកម្មល្អដូចគេដែរ ព្រោះយើងជាប្រទេសដែលពឹងផ្អែកលើកសិកម្ម ។ សូមអរគុណ បងប្អូនទាំងអស់គ្នា»៕
មតិយោបល់