កាលពីថ្ងៃទី ០៦ ខែ សីហា នៅក្នុងកម្មវិធីទូរទស្សន៍មួយឈ្មោះក្នុងកម្មវិធី Lee Hyori’s XUnni នាង Lee Hyori បានចែកចាយព័ត៌មាន ផ្ញាក់ផ្អើលមួយថា ” ខ្ញុំគិតថាខ្ញុំខ្វះគុណសម្បត្តិធ្វើជាតារាចម្រៀងល្អម្នាក់ មានដូចជាសំលេង ការចម្រៀង ឬ ការរាំ”។ ម្យ៉ាងទៀត Lee Hyori បានសារភាពថានាងមិនមានទំនុកចិត្តទៅលើសមត្ថភាពរបស់នាងនោះទេ ហើយបាននិយាយប្រាប់ឲ្យដឹងទៀតថា “តារាក្មេងៗទាំងនោះអាចច្រៀងនិងរាំបានល្អប៉ុន្តែពួកគេមិនសូវមានទេពកោសល្យ ខ្ញុំចង់ប្រើបទពិសោធន៍ ១៥ ឆ្នាំរបស់ខ្ញុំដើម្បីជួយដល់ពួកគេ។ ខ្ញុំ ចង់ជួយឱ្យពួកគេសម្រេចបាននូវក្តីសុបិន្តរបស់ពួកគេ”។
និយាយពីការជួយក្រុមតារាចម្រៀងស្រី SPICA នៅក្នុងអាល់ប៉ុមថ្មីរបស់ពួកគេ រំពេចនោះ Lee Hyori បានសើចហើយប្រាប់ថា “ខ្ញុំនិយាយដោយស្មោះ ការច្រៀងរបស់ពួកគេធ្វើបានប្រសើរជាងខ្ញុំ ហើយខ្ញុំបានរៀនអ្វីដែលថ្មីពីពួកគេ”។ Lee Hyori’s XUnni គឺជាកម្មវិធីទូរទស្សន៍មួយដែលអនុវត្តន៍តាម ឈ្មោះនាង Lee Hyori ហើយដំណើរការដើម្បីជួយដល់ក្រុមហ៊ុនជាមួយនិងក្រុមតារាចម្រៀងស្រី SPICA ផងដែរ៕
មតិយោបល់