យោងតាមសារព័ត៌មានបរទេសមួយចំនួនដែលបានចុះនៅថ្ងៃទី ០៩ ខែ សីហា ឆ្នាំ ២០១៣ បានឲ្យដឹងថាតារាចម្រៀងស្រី IU និងតារាសម្តែងប្រុសវ័យក្មេង Lee Hyun Woo ដឹកដៃគ្នាទៅមើលខ្សែភាពយន្តជាមួយគ្នា។
ប្រទេសកូរ៉េខាងត្បូងបានរាយការណ៍មកថានៅព្រឹកនេះបានចាក់ផ្សាយពីតារាចម្រៀងស្រី IU និង Lee Hyun Woo កំពុងដើរបណ្តើរគា្ននៅតាមផ្លូវ។ រូបថតអ្នកទាំងពីរត្រូវបានគេថតកាលពីយប់មិញនៅពេលដែលពួកគេបានទៅមើលខ្សែភាពយន្តហើយដើរចេញមកវិញជាសាធារណៈ ។ ម្យ៉ាងទៀតរូបថតត្រូវបានថតនៅពេលល្ងាចហើយ IU និង Lee Hyun Woo មិនបានដឹងខ្លួនថាមានគេកំពុងលួចថតនោះទេ ។
ភ្លាមៗនោះបន្ទាប់ពីព័ត៌មានត្រូវបានគេបោះពុម្ភផ្សាយជាសាធារណៈអ្នកតំណាងរបស់ Lee Hyun Woo បានចេញមកបកស្រាយថា “មនុស្សពីរនាក់ដែលនៅក្នុងរូបថតនោះគឺជា IU និង Lee Hyun Woo ពួកគេទាំងពីរនាក់បានជួបគ្នាបន្ទាប់ពីបានបញ្ចប់ការងាររបស់ពួកគេ ។ បន្ទាប់មកពួកគេបានទៅមើលកុនជាមួយគ្នាដោយទាំងពីរនាក់គ្រាន់តែជាមិត្តភក្ត័ជិតស្និត តែប៉ុណ្ណោះ។ ពួកគេបានដឹងថាមានគេកំពុងលួចថត ប៉ុន្តែពួកគេទាំងពីរនាក់មិនខ្វល់ពីរឿងនោះទេ ព្រោះនោះមិនជាការណាត់ជួបគា្នក្នុងន័យផ្សេងឡើយ” ។
អ្នកតំណាងឲ្យ IU បានបន្ថែមទៀតថា “ពួកគេទាំងពីរនាក់មានភាពល្អប្រសើរហើយគ្មានអ្វីដែលត្រូវនិយាយនៅពេលដែលពួកគេបានទៅមើលកុនជាមួយគ្នានោះទេ ព្រោះមានបុគ្គលិកទៅជាមួយពួកគេគ្រប់ពេល ។ ពួកគេមិនបានដើរបណ្តើរគា្ននោះទេហើយក៏មិនចាំបាច់បង្ហាញពីភាពត្រឹមត្រូវទៅលើពាក្យចចាមអារាមនោះដែរ ។
តារាសម្តែង Lee Hyun Woo ក៏ធ្លាប់បានដើរតួនៅក្នុងចម្រៀងវីដេអូ You And I របស់ IU ។ អ្នកទាំងពីរបានធ្វើការរួមគ្នាក្នុងនាមជា MCs ។ ព័ត៌មានរបស់ Hyun Woo និង IU បានធ្វើឲ្យអ្នកនិយមលេងនៅលើអ៊ីនធឺណិតមានការភ្ញាក់ផ្អើលយ៉ាងខ្លាំងពីព្រោះតារាចម្រៀងវ័យក្មេង IU រូបនេះធ្លាប់មានពាក្យចចាមអារាមបណ្តើរគ្នាជាមួយ Eun Hyuk ដែលជាសមាជិករបស់ក្រុមតារាចម្រៀង Super Junior ម្តងរួចមកហើយ ៕
https://i1272.photobucket.com/albums/y389/domneng/Decore/IU2_zps184200e4.jpg
https://i1272.photobucket.com/albums/y389/domneng/Decore/IU3_zps66ff2af6.jpg
https://i1272.photobucket.com/albums/y389/domneng/Decore/IU5_zpsd0a2dc6d.jpg
https://i1272.photobucket.com/albums/y389/domneng/Decore/IU4_zpsf3bdec6e.jpg
https://i1272.photobucket.com/albums/y389/domneng/Decore/IU7_zps8850ab88.jpg
https://i1272.photobucket.com/albums/y389/domneng/Decore/IU1_zps71c3b5e3.jpg
https://i1272.photobucket.com/albums/y389/domneng/Decore/IU6_zpsa3bddac0.jpg
មតិយោបល់