ពេលនេះដែរ តារាសម្តែងដ៏ល្បីល្បាញ សាច់សខ្ចីដូចត្រកួនឈ្លក់ទឹកខែវស្សា មាស សម្ជស្ស កំពុងតែលាក់លៀមស្នេហ៍ថ្មី ដោយមិនចង់ឲ្យមហាជនដឹង មុនពេលចូលរោងការនោះឡើយ។
មាស សម្ជស្ស ត្រូវបានគេដឹងថា ជាតារាសម្តែង ដែលមានភាពជោគជ័យ លើថ្នាលសិល្បៈ ដោយរួមទាំងការថតស្ពតពាណិជ្ជកម្ម ថតខ្សែភាពយន្ត និងជោគជ័យក្នុងការថតឲ្យទស្សនាវដ្តី សម្លៀកបំពាក់ទៀតផង។
ក្រោយពីថ្លោះធ្លោយ ដៃគូស្នេហា ២ ទៅ ៣ នាក់ កន្លងមក ដោយការរួមរស់មិនចុះសម្រុង និងគ្នា ។ដោយឡែកគូស្នេហ៍ចុងក្រោយរបស់នាង ជាជនជាតិកូរ៉េ ដែលសង្ឈឹមថា និងចាប់ដៃគូគ្នាជាភរិយាស្វាមី ក៏ត្រូវបរាជ័យ ព្រោះតែភាពមិនចុះសម្រុង ក្នុងទ្រនំជីវិតដូចគ្នាដែរ។
និយាយពីកាលនោះ មាស សម្ជស្ស តែងតែអួតពីគូស្នេហ៍ជនកូរ៉េនេះណាស់ ដោយថា គេស្រលាញ់ខ្លួន និងថែមទាំង ឲ្យភាគហ៊ុន ដាក់ទុន ជាមួយនឹងនាង ក្នុងការលក់គ្រឿងសង្ហារឹម តែទីបំផុត ត្រូវបរាជ័យ។
ពេលចូលមកដល់ពាក់កណ្តាលឆ្នាំ ២០១៣ នេះ ក្រោយការខកស្នេហ៍ផ្ទួនៗ ជាមួយនឹងបុរស ២ ទៅ ៣ នាក់រួចមកហើយ ដោយកំពុងសល់ស្នាមដំប៉ៅចាស់ ដែលមិនអាចបំភ្លេច តែនាងបានអះអាងថា នាងឈប់អើពើនិងរឿងស្នេហាទៀតហើយ ។ ទោះជាយ៉ាងនេះក្តី សន្យាខ្លួនឯង ថាមិនទទួលស្នេហាថ្មី វាគ្រាន់តែជាសន្យាខ្យល់របស់ មាស សម្ជស្ស តែប៉ុណ្ណោះ ព្រោះថា នាងបានប្រាប់ ដល់គេហទំព័រ ដំណឹង តាមទូរស័ព្ទ ថា នាងកំពុងមានស្នេហាថ្មី ចូលមកជួសដំប៉ៅស្នេហាជាំខ្មៅ ត្រង់បេះដូងរបស់នាង តែនាងបាននិយាយថា នាងមិនចង់បង្ហាញមុខគូស្នេហ៍ថ្មីនោះទេ តែពេលចូលរោងការ ពេលណា នាងនិងប្រកាសឲ្យដឹងភ្លាមតែម្តង។
បញ្ជាក់ផងដែរថា មាស សម្ជស្ស ជាតារាសម្តែងដ៏ល្បីល្បាញមួយរូប ដែលមានរូបសម្រស់ជាទីចំណាប់អាម្មណ៍របស់ប្រុសៗ ដែលប៉ង់ប្រាថ្នាចង់នេបនិត្យកាយរបស់នាង ។ចំណែកការសម្តែង ចុងក្រោរបស់នាង ដែលទទួលបានការចាប់អារម្មណ៍នោះគឺ ក្នុងបទ “ជួយដោះបន្លាចែខ្ញុំ”” ដែលច្រៀងដោយ លោក ខេមរៈ សិរីមន្ត។ តែអ្វីដែលធ្វើឲ្យប្រិយមិត្តឆ្ងល់នោះគឹថា “មាស សម្ជស្ស អាចចូលរោងការជាមួយនឹងគូស្នេហ៍ដ៏អាថ៌កំបាំងនេះបានទេ?” ៕
https://i1272.photobucket.com/albums/y389/domneng/Decore/Decore182/MeasSomphors23_zps78a8e4e5.jpg
https://i1272.photobucket.com/albums/y389/domneng/Decore/Decore182/MeasSomphors09_zps8d211303.jpg
https://i1272.photobucket.com/albums/y389/domneng/Decore/Decore182/MeasSomphors31_zps64019c9b.jpg
https://i1272.photobucket.com/albums/y389/domneng/Decore/Decore182/Meas-Samphors-11_zpsfd36bf39.jpg
ទស្សនាវីដេអូចម្រៀង ជួយដោះបន្លាចែខ្ញុំ”” ៖
អត្ថបទដោយ៖ គង់វង្ស
មតិយោបល់