មុននេះដែរសារព័ត៌មានកម្សាន្តក្នុងស្រុកមួយបានចុះ ឲ្យដឹងថា “សាយ រតនៈ ធ្វើឲ្យនិស្សិតស្រីមានផ្ទៃពោះ រួចបោះបង់ចោល ត្រូវគេបកអាក្រាតតាម Facebook” ដែលបង្ករឲ្យមជ្ឈដ្ឋានសិល្បៈរង្គោះរង្គើ និងធ្វើ អ្នកគាំទ្រតារារូបនេះ ភ្ញាក់ផ្អើល ថាវាមិនដូច្នោះនោះទេ ។
ទន្ទឹមជាមួយនឹងសារព័ត៌មានមួយចុះយ៉ាងដូចនេះ លោក សាយ រតនៈ បានធ្វើការអះអាងច្រានចោលនៅលើគណនីបណ្តាញទំនាក់ទំនងសង្គមហ្វេសប៊ុករបស់ខ្លួន ថា “សួស្តីមិត្តភ័ក្តិ និងអ្នកគាំទ្រទាំងអស់ជាទីរាប់អាន! ខ្ញុំបាទ សាយ រតនៈ សូមធ្វើការបកស្រាយអំពីព័ត៌មានដែលបានកើតឡើងមកលើរូបខ្ញុំក្នុងរយៈពេលកន្លងទៅ និងពេលថ្មីៗនេះ។
នេះគឺជាលើកទី 2 ហើយដែលជនអនាមឹកដ៏មហាសែនអាក្រក់បានយកឈ្មោះ និងរូបថត របស់ខ្ញុំជាច្រើនសន្លឹកទៅកាត់ត និងបង្កើត FB Account ក្លែងក្លាយ “Fake Account” ហើយបានបង្ហោះនូវរូបភាពបែបអាសអាភាសជាច្រើន និងពាក់ព័ន្ធរឿងនយោបាយ ព្រមទាំងមានចេតនាបង្ខូចកេរ្តិ៍ឈ្មោះ និងកិត្តិយសរបស់ខ្ញុំនិងក្រុមគ្រួសាររបស់ខ្ញុំផងដែរ។
ទង្វើបែបនោះមិនត្រឺមតែប៉ះពាល់ដល់រូបខ្ញុំនិងក្រុមគ្រួសារប៉ុណ្ណោះទេ ប៉ុន្តែថែមទាំង ប៉ះពាល់ដល់កិត្តិយសមិត្តរួមអាជីពជាច្រើននាក់ផ្សេងទៀត ហើយក៏ប៉ះពាល់ដល់ស្ថាប័ន អប់រំមួយផងដែរ។
ខ្ញុំបាទសូមធ្វើការបញ្ជាក់យ៉ាងពិតប្រាកដ និងយ៉ាងខ្លីថា ខ្ញុំបាទមិនមានពាក់ព័ន្ធនឺង រឿងរ៉ាវទាំងអស់នោះទេ ហើយខ្ញុំក៏សូមមិនធ្វើការតបតទៅកាន់ជនដែលបានធ្វើនោះដែរ។
ខ្ញុំសូមប្រកាន់នូវធម៌ព្រះពុទ្ធមួយឃ្លាដែលបានចែងថា “ពាររំងាប់ដោយការមិនចងពារ” ហើយក៏សូមបញ្ជាក់ផងដែរថា រឿងនោះក៏មិនទាក់ទិនទៅនឹងរឿងរ៉ាវស្នេហាទេ រឺឯកជនដែលធ្វើនោះក៏មិនមែនជាស្ត្រីភេទដែរ។
ជាថ្មីម្តងទៀតខ្ញុំសូមបញ្ជាក់នូវ FB Account ពិតរបស់ខ្ញុំគឺ Say Rattanak (សាយ រតនៈ)។ Rattanak សរសេរ “..ttanak” ហើយមានសរសេរឈ្មោះជាភាសារខ្មែរ (សាយ រតនៈ) ផងដែរ។ បន្ថែមលើនេះ Account របស់ខ្ញុំគឺមានព័ត៌មានអំពីការងាររបស់ខ្ញុំ និងរូបថតរបស់ខ្ញុំជាច្រើនរយសន្លឹកព្រមទាំងឯកសារមួយចំនួនផ្សេងទៀត និង Friends រាប់ពាន់នាក’។ដោយឡែកចំពោះ Account ក្លែងក្លាយ “Fake Account” វិញគឺសរសេរ Say Rathanak អត់មានសរសេរឈ្មោះជាភាសារខ្មែរទេ រឺឯRathanak សរសេរ “..thanak” ហើយក៏គ្មានព័ត៌មានអ្វីទាំងអស់ ក្រៅពីរូបភាពបែបបង្ខូចកេរ្តិ៍ឈ្មោះគេតែប៉ុណ្ណោះ។
ចំពោះបណ្តាញសារព័ត៌មានខ្លះដែលបានចុះផ្សាយតាម website ក៏មិនបានទាក់ទង សួរនាំខ្ញុំអ្វីដែរ ដូច្នេះព័ត៌មានទាំងនោះគ្រាន់តែបានឃើញរូបភាពកាត់តភ្លាម ក៏ធ្វើការ ចុះផ្សាយ ហើយ Copy ផ្សាយតៗគ្នាតែម្តង។
ដោយឡែកក៏មានបណ្តាញសារព័ត៌មានខ្លះដែលមានវិជ្ជាជីវៈត្រឹមត្រូវ បានសម្ភាសន៍ រូបខ្ញុំមុននឹងធ្វើការចុះផ្សាយ។
ជាចុងក្រោយ ខ្ញុំសូមជូនពរមិត្ត និងអ្នកទាំងអស់គ្នាជួបតែសេចក្តីសុខ និងសុភមង្គលគ្រប់ពេលវេលា និងសូមទទួលការរាប់អានដ៏ស្មោះស្ម័គ្រអំពីខ្ញុំ សាយ រតនៈ (សូមជួយ Share ព័ត៌មាននេះផង) សូមអរគុណ! ។
សាយ រតនៈ ដែលត្រូវបានគេដឹងថា ជាពិធីករ ដែលមានមាឌមាំ ស្រស់សង្ហារ សម្តីក្រអួនក្រអៅ មួយរយៈចុងក្រោយ នេះ ពោលគឺនៅឆ្នាំ ២០១៣ នេះ កំពុងធ្លាក់រឿងអាក្រក់លើខ្លួន ជាពិសេស ព្យុះព័ត៌មាននៅលើ ទំព័រហ្វេសប៊ុក ។ ទោះជាយ៉ាងនេះក្តី សូមបងប្អូន ដែលលេងបណ្តាញទំនាក់ទំនងសង្គមហ្វេសប៊ុក មេត្តា លេងប្រកបដោយវិជ្ជាជីវៈត្រឹមត្រូវ ជាក់ស្តែងទង្វើរដែល យករូបភាពគេទៅកាត់តបែបអាសគ្រាម ជាពិសេសលើតារាៗ នោះ អ្នកកំពុងជាន់ពន្លិច សិល្បៈករ ខ្មែរ ខ្លួនឯងឲ្យធ្លាក់ទៅរកចំណុចសូន្យ ។ ហ្វេសប៊ុក ត្រូវបានបង្កើតឡើងសម្រាប់ ចែកចាយព័ត៌មាន រវាងគ្នា និងគ្នា ដូចជាចែកចាយមេរៀន និងការងារ តែសម្រាប់សង្គមខ្មែរ ស្ថិតនៅក្នុងចរន្តសូន្យ ដោយប្រើហ្វេសប៊ុក សម្រាប់មួលបង្កាច់គ្នាទៅវិញ ដែលយើងឃើញស្រាប់សម្រាប់ ពិធីករ សាយ រតនៈ៕
https://i1272.photobucket.com/albums/y389/domneng/Air/SayRattanak3_zpsacf43438.jpg
https://i1272.photobucket.com/albums/y389/domneng/Air/SayRattanak1_zps50cd3c4c.jpg
https://i1272.photobucket.com/albums/y389/domneng/Air/SayRattanak2_zps3a543c16.jpg
https://i1272.photobucket.com/albums/y389/domneng/Air/SayRattanak6_zps4d567f6d.jpg
https://i1272.photobucket.com/albums/y389/domneng/Air/SayRattanak7_zps78eee2bc.jpg
https://i1272.photobucket.com/albums/y389/domneng/Air/SayRattanak5_zpsb05744b7.jpg
https://i1272.photobucket.com/albums/y389/domneng/Air/SayRattanak4_zps09575e2d.jpg
មតិយោបល់