មួយរយៈចុងក្រោយ នេះប្រធានបទចម្លងបទចម្រៀងរបស់គេ កំពុងក្លាយរឿងដ៏ក្តៅគគុក សម្រាប់ ឧស្សាហកម្មតន្ត្រីនៅក្នុងប្រទេសកម្ពុជា ។ ដោយក្នុងនោះដែរ មានតារាចម្រៀងច្រើនណាស់ដែលរងការរិះគន់ ក្នុងនោះ ប្រធានបទដែល អ្នកសារព័ត៌មានជាច្រើនបាញ់ មិនឈប់ឈរ នោះគឺ លោក ករុណា ពេជ្រ ដែលជាតារាចម្រៀងផលិតកម្ម ថោន និងមានតារាចម្រៀងផ្សេងៗទៀត ក្នុងផលិតកម្ម សាន់ដេ និងផលិតកម្ម ហង្សមាស ។
មជ្ឈដ្ឋានអ្នកស្នេហាវិស័យសិល្បៈ កម្ពុជា បានកំពុងផ្តោតអារម្មណ៍ទៅលើ ប្រធានបទនេះ ដោយលើកថា តារាខ្មែរ អ្នកនិពន្ធខ្មែរ កូពី បទពីគេ តែអ្នកទាំងនោះ មិនបានងាកទៅធៀបនឹង ប្រទេសជិតខាងផ្សេងៗទេ ថាប្រទេសថៃ យួន ចិន និងកូរ៉េ យ៉ាងម៉េចដែរ មានកូពីដែរអត់ ? ក្នុងករណីនេះ អ្នកគាំទ្រមួយចំនួន មិនបានគិតដល់ ដោយងប់យកតែមែនទែន បង្អាប់គ្នាឯង យ៉ាងចាស់ដៃ ដែលធ្វើឲ្យសិល្បៈករ មួយចំនួន ចង់លិច ទៅវិញ ខណៈកំពុងល្បី ។
ដើម្បីអះអាងថា តន្ត្រីប្រទេសគេក៏បានកូពី ពីគ្នាដែរនោះ ជាក់ស្តែង ជប៉ុន បានកូពី ពីថៃ នូវបទចម្រៀងមួយបទ ក្រោមចំណងជើងថា “Too Much So Much Very Much” ដែលបទនេះច្រៀងដោយ តារាចម្រៀងថៃ ប៊ីតថុងចៃ ឬ ខ្មែរហៅថា អាប៊ឺត ចេញនៅឆ្នាំ ២០១០ ។ ដោយឡែកបទជប៉ុន ក្រោមចំណងជើងថា Loving you Too much ដែលច្រៀងដោយ Berryz工房 ចេញឆ្នាំ ២០១២ ។
ទន្ទឹមជាមួយនឹងគ្នានេះដែរ សម្រាប់ការកូពីនេះដែរ ហេតុអ្វី បានជា អ្នកគាំទ្រ ក្នុងប្រទេសគេ មិនបាន បង្អាប់ដល់តារារបស់គេ ដោយឡែកខ្មែរ វិញ ចូលចិត្តបង្អាប់ គ្នាម្លេះ នេះគឺជាសម្តីតារាម្នាក់ដែលធ្លាប់ត្រូវបានគេបាញ់យ៉ាងចាស់ដៃ ពីករណីចំលង គេ ដែលប្រិយមិត្តអាចនឹងដឹងថាគាត់ជានរណា? ពិតណាស់សម្តីគាត់ អាចទទួលស្គាល់ ៨០ ទៅ ៩០ ភាគរយ។ ដូច្នេះខ្មែរយើងឈប់បង្អាប់គ្នាទៅ តែមុននឹងឈប់គួរតែខាងផលិតកម្មផលិតបទថ្មី ដោយសន្សឹមៗ សម្រាប់ខ្លួន រីឯមហាជនគួរតែជាវស៊ីឌី ហ្ស៊ីន វិញទៅ ដើម្បីលើកតំកើងឧស្សាហកម្ម តន្ត្រីខ្មែរ៕
បទចម្រៀង ថៃ “Too Much So Much Very Much”៖
បទចម្រៀងកូពីពីថៃ Loving you Too much ៖
មតិយោបល់