តារាសម្តែង និងពិធីករដែលកំពុងមានសន្ទុះ មិនចាញ់តារាសម្តែងរលកក្រោយប៉ុន្មាន កញ្ញា ឈិត សុជាតា ទោះបីជាវ័យរាងជ្រេ បន្តិចក្តី តែសម្រស់របស់កញ្ញា នៅតែស្រស់ឆើតឆាយ ដែលធ្វើឲ្យ បុរសជាច្រើនអត់ទ្រាំមិនបាន ក្នុងការអើតក បោះសម្តី ថាពិតជាស្អាត និងចង់ត្រកងថ្នមថ្នាក់។
ថ្មីៗនេះដែរ ឈិត សុជាតា ខណៈដែលឈរលើវេទិកាស្ថានីយ៍ទូរទស្សន៍ បាយ័ន ក្នុងកម្មវិធី តន្ត្រីយុវវ័យ នាងបានត្អួញត្អែរពីច្រមុះរបស់នាង ដែលកំពុងតែមានបញ្ហា នឹងត្រូវទៅព្យាបាលនៅប្រទេសជិតខាង។
បញ្ហាកែសម្រស់របស់តារា ៗ ដើម្បី ច្បាមយកប្រជាប្រិយភាព ពីទស្សនិកជន ក្នុងអាជីពជាសិល្បៈករ សិល្បៈការិនី នាពេលបច្ចុប្បន្ន ហាក់ដូចជាប្រជែងគ្នាណាស់ ធ្វើយ៉ាងណាដើម្បីឲ្យសម្រស់ខ្លួន ស្អាតដាច់ពីគេ។ទាក់ទិនរឿងកែសម្រស់នេះដែរ កញ្ញា ឈិត សុជាតា ត្រូវបានប្រភពព័ត៌មានក្នុងចង្កោមសិល្បៈដូចគ្នា បានអះអាងថា “ឈិត សុជាតា សម្រស់នាងបានកែពីក្បាលរហូតដល់ចុងជើង ដែលធ្វើឲ្យសាច់របស់នាង ឡើងសខ្ចីថ្លាឆ្វាំង ។ ដោយឡែកសម្រាប់ច្រមុះវិញ នាងក៏កែដែរ ដោយធ្វើតាមបែបច្រមុះអឺរ៉ុប តែ ឥឡូវកំពុងតែមានបញ្ហា ដោយច្រមុះរបស់នាងចាប់ផ្តើមឈឺ ហើយមានធ្លាក់ឈាមតិចៗផងដែរ។ ប្រភពដដែលបានបន្តថា នាងកំពុងមានគម្រោងទៅកាន់ប្រទេសជិតខាង ដើម្បីព្យាបាល និងដកខ្ទង់ច្រមុះដែលបានកែនោះចេញ”។
ជុំវិញបញ្ហានេះដែរ ឈិត សុជាតា បានប្រាប់ដល់អ្នកយកព័ត៌មានរបស់ ដំណឹង ឲ្យដឹងថា “សម្រាប់នាងត្រូវតែរិះរកផលិតផល និងបច្ចេកវិទ្យាកែសម្រស់ ទំនើបៗ តែការកែសម្រស់នោះ វាមិនបង្ករឲ្យនាងមានគ្រោះថ្នាក់ធ្ងន់នោះទេ ព្រោះថានាងមានពេទ្យព្យាបាលដែលមានឯកទេស និងវិជ្ជាជីវៈត្រឹមត្រូវ ដែលអាចធ្វើឲ្យនាងទុកចិត្តបាន”។ តែសម្រាប់បញ្ហាខាងលើ ដែលថា នាងនឹងទៅប្រទេសជិតខាង ពោលគឺថៃ ទៅដកខ្ទង់ច្រមុះ និងព្យាបាល វាជារឿងពិត ព្រោះថា ច្រមុះរបស់នាង ហាក់ដូចជាមានបញ្ហាបន្តិចបន្តួច តែវាមិនធ្ងន់ធ្ងរនោះទេ ៕
https://i1272.photobucket.com/albums/y389/domneng/Air/ChhitSocheata4_zps870684d3.jpg
https://i1272.photobucket.com/albums/y389/domneng/Air/ChhitSocheata5_zps5b8d0357.jpg
https://i1272.photobucket.com/albums/y389/domneng/Air/ChhitSocheata1_zps38e58388.jpg
https://i1272.photobucket.com/albums/y389/domneng/Air/ChhitSocheata2_zpsb0b30bb1.jpg
https://i1272.photobucket.com/albums/y389/domneng/Air/ChhitSocheata6_zps3e70c9cc.jpg
https://i1272.photobucket.com/albums/y389/domneng/Air/ChhitSocheata3_zps85a61d5c.jpg
អត្ថបទដោយ ៖ គង់វង្ស
មតិយោបល់